Батыс Қазақстан облысы білім басқармасының басшысы *Елдос Сафуллин* Бөкейордасы ауданы М. Бегалиева атындағы мектепте жұмыс сапарымен болды.
Басқарма басшысы мектептің техникалық жағдайымен, білім ордасының тыныс-тіршілігімен танысты.
Ұжыммен кездесуде Елдос Набиоллаұлы Мемлекет басшысының биылғы *Жолдауында* айтылған білім саласына қатысты басым бағыттарға тоқталып, оның жүзеге асуына ұстаздардың белсенді атсалысуы маңызды екенін атап өтті.
Ашық пікір алмасуға негізделген бұл кездесу білім саласындағы ортақ мақсаттарды айқындауға жол ашты.