ЖАҢА ТАҒАЙЫНДАУ Жоғары аграрлық-техникалық колледжіне жаңа басшы тағайындалды

Батыс Қазақстан облысы әкімдігі білім басқармасының "Жоғары аграрлық-техникалық колледжі" мемлекеттік коммуналдық қазыналық кәсіпорны директоры лауазымына Галиаскарова Асел Наримановна тағайындалды.

Асел Наримановна – білім беру саласында 16 жылдан астам еңбек өтілі бар жоғары білікті маман. Ол еңбек жолын Инженерлік-технологиялық колледжінен бастаған. Кейін «Орал газ, мұнай және салалық технологиялар колледжінде» арнайы пәндер оқытушысы болып жұмыс істеді. 2018 жылдан бері "Жоғары аграрлық-техникалық колледжінде" директордың оқу-ісі жөніндегі орынбасары қызметін атқарды.
Асел Наримановна - 2015 жылдан бастап «Талап» КЕАҚ-ның штаттан тыс тренері. Сонымен қатар ҚР Оқу-ағарту министрлігі Білім мазмұнын сараптау орталығының сарапшысы және
«Білім берудегі өзгерістердің 1000 көшбасшысы» жобасының түлегі.

Жаңа басшыны ұжымға облыстық білім басқармасының басшысы Елдос Сафуллин таныстырып, алдағы қызметіне табыс тіледі.