Президенттік жастар кадр резерві: педагогтермен ақпараттық кездесу

Бүгін Мемлекеттік қызмет істері агенттігінің Батыс Қазақстан облысы бойынша департаментінің басшысы Мұрат Байсалов пен облыстық білім басқармасының басшысы Елдос Сафуллин өңір педагогтерімен кездесу өткізді. Кездесуге сондай-ақ Орал қаласы білім бөлімінің басшысы Әлия Қайржанова қатысты.

👥 Жиын барысында Президенттік жастар кадр резервіне кезекті іріктеу мәселелері талқыланып, 2025 жылға арналған жоспарлар таныстырылды.

📌 Мұрат Байсалов резервке қабылдану талаптарын түсіндіріп өтті: үміткер 35 жасқа толмаған және кемінде 5 жыл еңбек өтілі болуы қажет.

🔎 Бұл бастама — жас, білікті, ел болашағына бейжай қарамайтын азаматтарға мемлекеттік қызметте өз әлеуетін жүзеге асыруға берілген үлкен мүмкіндік.