«Мерейлі отбасы-2025» Ұлттық конкурсына құжаттар қабылдау басталды

Құрметті аудан тұрғындары!

Адамгершілік құндылықтарды жаңғыртуға, отбасы мәртебесін артыруға бағытталған «Мерейлі отбасы» ұлттық конкурсының аудандық кезеңіне құжаттар қабылдау басталғанын хабарлаймыз!

Конкурсты өткізудің мақсаты:
1) отбасы институтын, адамгершілікті, руханиятты нығайту, жауапты ерлі-зайыптылықтың маңыздылығын мойындау;
2) балаларды тәрбиелеуде ата-аналардың жауапкершілігін арттыру;
3) отбасылық құндылықтарды, кәмелетке толған балалардың еңбекке жарамсыз және қарт ата-аналарға қамқорлығын көрсету және кеңінен насихаттау;
4) қазақстандық отбасының оң имиджін насихаттау.

Қатысу үшін өтінім мен құжаттар 2025 жылдың 15 мамырдан 15 маусымға дейін дейінгі аралықта Бәйтерек ауданы ішкі саясат бөлімінде қабылданады. Құжаттарды қағаз немесе электрондық нұсқада тапсыра аласыздар.

«Мерейлі отбасы» конкурсының ережесі және конкурсқа қатысу туралы ақпаратты Бәйтерек ауданының ішкі саясат бөлімінен алуға болады.
тел: 8711 30 23 360, 87771148785- Гулжайна Жекейқызы, нөмірлеріне хабарласып өтінім бере аласыздар!
Байқау Қазақстан Республикасы Үкіметінің 2014 жылғы 5 наурыздағы № 181 қаулысымен бекітілген «Мерейлі отбасы» ұлттық конкурсын өткізу қағидаларына (бұдан әрі – Қағидалар) сәйкес өткізіледі (Қағидаларға ҚР Үкіметінің 2021 жылғы 6 мамырдағы № 306 және 2022 жылғы 16 қарашадағы № 904 қаулысымен өзгерістер енгізілді).