«Қазіргі қоғамдағы әйелдің рөлі»

2025 жылдың 30 қыркүйегінде Батыс Қазақстан облысы Бәйтерек ауданы Дариян ауылында «Қазіргі қоғамдағы әйелдің рөлі» тақырыбында кездесу өтті. Іс-шара Жұмысшы мамандықтар жылы аясында еңбек пен әйелдердің әртүрлі өмір салаларын дамытуға қосқан үлесін тағы да атап өтті.

Кездесуді Батыс Қазақстан облысының әкімі жанындағы әйелдер істері және отбасылық-демографиялық саясат жөніндегі комиссиямен бірлесіп, Бәйтерек ауданының әкімдігі ұйымдастырды.

Аталған кездесуге ауданның 22 ауылдық округінің әйелдер кеңестерінің өкілдері жиналды. Олардың қатарында Қазақстан Республикасының Президенті жанындағы Әйелдер және отбасылық-демографиялық саясат жөніндегі ұлттық комиссиясының төрағасының орынбасары Е.И. Тарасенко, Батыс Қазақстан облысы Бәйтерек ауданының әкімінің орынбасары Е.Е. Ғалиев, сондай-ақ Батыс Қазақстан облысы әкімдігі жанындағы Әйелдер және отбасылық-демографиялық саясат жөніндегі комиссиясының және Бәйтерек ауданы әкімдігі жанындағы комиссиясының өкілдері, мәслихат депутаттары, облыстық және аудандық деңгейдегі қоғамдық бірлестіктердің уәкілдері, журналистер, ауыл еңбеккерлері қатысты.

Іс-шара барысында көрмелер, шеберлік сыныптары, диалог алаңы жұмыс істеді, әр округтің әйелдер кеңестерінің жарқын өкілдері – ауыл әйелдерін құрметтеу рәсімі өтті.

2025 жылғы бұл кездесу, онлайн алаңда ауыл әйелдері бастамашыл, қоғамдық өмірге тартылған, еңбекқор екендігімен қатар, әртүрлі мамандықтар мен ұрпақтардан әйелдер өзара идеяларымен және тәжірибелерімен алмасып, әлеуметтік бастамаларды ілгерілетіп, жаңа білім алуға, сондай-ақ өз дамуына әртүрлі қолдау мен шабыт табуға мүмкіндік алатындығын тағы да бір көрсетті.