Құрметті жерлестер! Қадірлі ардагерлер!
Әр халықтың тарихында ақсақал мен ақ жаулықты аналардың орны ерекше. Қария – елдің шежіресі, ұрпаққа бағыт-бағдар беретін ақылшысы. Сондықтан да халқымыз «Қариясы бар үйдің – қазынасы бар» деп бекер айтпаған.
1 қазан – Қарттар күні – біздің үлкенге деген құрметімізді айшықтап, аға буынның қоғамдағы рөлін айқындайтын айтулы күн. Бұл мереке – бір ғана символдық дата емес, ол – қарттарымыздың еңбегін бағалаудың, оларға деген ілтипатымызды білдірудің бірегей сәті.
Құрметті қариялар!
Сіздер еліміздің ең қиын кезеңдерінде табандылықпен еңбек етіп, тәуелсіздіктің нығаюына зор үлес қостыңыздар. Бүгінгі бейбіт өмір мен өсіп-өркендеген Қазақстан – Сіздердің маңдай тер еңбектеріңіздің жемісі.
Ауданымызда да қарияларды құрметтеу – басты парыз. Әлеуметтік қолдау шаралары, мерекелік кездесулер мен құрмет көрсету дәстүрі жалғасын тауып келеді. Сіздердің әрбір ақыл-кеңестеріңіз жастарымызға жол көрсетіп, болашаққа бағдар беріп отыр.
Осы мерейлі күні баршаңызға зор денсаулық, отбасыларыңызға береке-бірлік, ұзақ ғұмыр тілеймін! Қуаныш пен шаттыққа толы күндеріңіз көп болып, ұрпақтарыңыздың қамқорлығы мен құрметіне бөлене беріңіздер!
Ізгі ниетпен,
Бәйтерек ауданының әкімі М.Тоқжанов