Зеленов ауылдық округінің әкімі тағайындалды
22 маусым күні өткен сайлау нәтижесінде Зеленов ауылдық округінің әкімі болып Ізғали Сапарғалиұлы Дәулетов сайланды.
Ауылдық округ активімен кездесуде аудан әкімінің міндетін атқарушы Е. Галиев пен Бәйтерек ауданының сайлау комиссиясы төрағасы Р.Ихласов сайланған әкімді таныстырып, куәлік табыстады.
Жиын барысында Ерлан Ерсайынұлы қоғамдық-саяси науқанда белсенділік танытқан тұлғаларға алғыс білдіріп, ел сенімін абыроймен ақтаудың маңыздылығын атап өтті.
Ауыл тұрғындары қайта сайланған әкімге сәттілік тілеп, алдағы жұмысына қолдау білдірді. Ел ағалары мен ақсақалдар Ізғали Сапарғалиұлының ауылды дамыту бағытында жүйелі жұмыс атқаратынына сенім білдірді.
Сайланған әкімге жауапты қызметінде табыс тілейміз!