Салауатты өмір салтын қатар ұстанған мемқызметкерлер!
Бәйтерек ауданында Мемлекеттік қызметшілер күніне орай спорттың 7 түрінен ауқымды спартакиада өтті. БЖСМ Спорт кешенінде ұйымдастырылған додаға округтерден 6 команда қатысты: «Жайық», «Найзағай», «Сұңқар», «Адал жол», «Бірлік», «Бәйтерек».
Ашылу салтанатына аудан әкімі Марат Тоқжанов, «Қызмет» облыстық салалық кәсіподағының төрағасы Серік Сүлеймен және аудандық мәслихаттың төрағасы Нұрлыбек Хайруллин қатысып, қатысушыларға сәттілік тіледі.
Аудан әкімдігі «Бәйтерек» спорт клубына жаңа автобустың кілтін табыстады. Ал кәсіподақ ұйымы волейбол командасына спорттық киім жиынтығын тарту етті.
Жарыстар: шағын футбол, қол күрес, гір көтеру, арқан тартыс, шахмат, жеңіл атлетика, үстел теннисі спорт түрлерінен өтті.
Командалық есеп: 
I орын – «Бәйтерек»
II орын – «Бірлік»
III орын – «Адал жол»Арнайы аталымдар:
«Ең үлкен қызметкер» – Бейбіт Аманғалиев
«Ең жас қызметкер» – Айкүміс Мұғалім
Қатысушылар жарысты жоғары бағалап, ұйымшылдықты арттырған, сергектік сыйлаған шара болғанын атап өтті.Мемлекеттік қызметкерлер өздерінің кәсіби қызметінде ғана емес, спорттық жарыстарда да жоғары нәтижелер көрсетіп, жан-жақты екендерін дәлелдеді.