Бүгін Бәйтерек ауданының Январцев, Чиров және Зеленов ауылдық округтерінде әкім сайлауы өтуде. Бұл – ел болашағына бейжай қарамайтын әрбір азамат өз таңдауын жасайтын шешуші сәт.

Бүгін Бәйтерек ауданының Январцев, Чиров және Зеленов ауылдық округтерінде әкім сайлауы өтуде. Бұл – ел болашағына бейжай қарамайтын әрбір азамат өз таңдауын жасайтын шешуші сәт.
Мәселен, Январцев ауылында саяси науқанның лебі ерекше сезіледі. Ауылдық клуб бүгін жай ғана өнер ошағы емес, халықтың даусы ауыл келешегін айқындайтын маңызды орынға айналған. Дәл осы жерде орналасқан №184 сайлау учаскесіне таңмен таласа ауыл тұрғындары келе бастады. Бұл учаскеде 23-і – өз өтініштерімен үйден дауыс беруге ниет білдірген. Үйден дауыс беру сағат 12.00-ден кейін басталады.
Солардың бірі ең жасы үлкен – 01.01.1927 жылы туған Қайнош Жұмагелдіұлы.
Ел тарихын көзімен көрген қарияның дауысы – елдің жарқын болашағына берілген ақ батамен пара-пар.
Зеленов, Чиров ауылдық округтерінде де сайлау қалыпты және ұйымшыл түрде өтуде. Әрбір сайлау учаскесінде -тәртіп, бақылау және әділдік бар. Ең бастысы -халық сенімі сезіледі.