ТАЗА СУ – ТҰРМЫСТЫҢ ТІРЕГІ

ТАЗА СУ – ТҰРМЫСТЫҢ ТІРЕГІ
Аудан әкімі Марат Лұқпанұлы Тоқжанов жұмыс сапары аясында Чувашин, Садовый және Жалын ауылдарындағы су құбыры құрылысын жеке назарда ұстап, нысандарды аралап шықты.
🔍 Су құбыры – елді мекендердің басты қажеттіліктерінің бірі. Осы орайда аудан басшысы жауапты мамандарға әрбір тұрғын сапалы ауыз сумен қамтамасыз етілуі керек деген нақты міндет жүктеді.
📌 Чувашин ауылында су құбыры құрылысы маусым айының басында басталған. Ұзындығы – 7356 метр.
📌 Садовый және Жалын ауылдарында да жобалар жүйелі жүргізілуде. Қазіргі уақытта тиісті техникалар тартылып, жұмыс кезең-кезеңімен орындалуда.
👥 Айта кетейік, аталған үш ауылдық округтегі тұрғындар саны – 1506 адам. Жобаның негізгі мақсаты – осы тұрғындардың барлығын таза, орталықтандырылған ауыз сумен қамтамасыз ету.
👷‍♂️ Ауылдық округ әкімдіктері мен құрылысқа жауапты мекеме өкілдері атқарылып жатқан жұмыстар туралы жан-жақты ақпарат беріп, нысандардағы құрылыс сапасы әкімнің қатаң бақылауында екені айтылды.
✅ Мұндай іссапарлар инфрақұрылымдық жобалардың сапалы әрі уақтылы орындалуын қамтамасыз етуге бағытталған маңызды қадам.