«Халық заңгері» жалпыреспубликалық акциясы

Акцияның мақсаты – халықтың құқықтық сауаттылығын арттыру және тегін заң көмегін көрсету. Кез келген азамат еліміздің заң қоғамдастығындағы ең үздік мамандардан қажетті тегін кеңес ала алады. Олардың қатарында белгілі адвокаттар, нотариустар, прокурорлар, тергеушілер, сот орындаушылары, мемлекеттік органдардың өкілдері және басқа да мамандар бар.

Бұл акция Қазақстан Республикасы Үкіметінің қолдауымен өткізіледі. Ұйымдастырушылар – Қазақстан Республикасының Әділет министрлігі, Қазақстан Республикасының Сыбайлас жемқорлыққа қарсы іс-қимыл агенттігі, Zakon.kz желілік басылымы, «Параграф» ақпараттық жүйесі, Республикалық адвокаттар алқасы, мемлекеттік билік органдары, сондай-ақ еліміздің үздік заңгерлері мен адвокаттары.

«Халық заңгері» акциясын өткізу дәстүрге айналды және қарапайым қазақстандықтар тарапынан алғысқа ие болуда.

Бұл акция форматы өзінің ауқымы мен географиясы жағынан тек Қазақстанда ғана емес, бүкіл әлемде теңдесі жоқ шара саналады. Бүгін Батыс Қазақстан облысы бойынша акция барлық 12 аудан орталығында өтті.