2021 жылдың 14 шілдеде сағат 18.00-де Зеленов, Чиров және Январцев ауылдық округтері әкімдерінің кандидаттарды тіркеуі аяқталды.
2021 жылдың 26 маусымнан 2021 жылдың 9 шілдеге аралығында ұсыну қорытындысы бойынша аудандық аумақтық сайлау комиссиясына саяси партиялардан және өзін-өзі ұсынушылардан ауылдық округ әкіміне кандидат болу үшін 12 ұсыну өтініштері келіп түсті.12 ұсынушылардың 9-ы ауылдық округтері әкіміне кандидат болып тіркелді, олар Қазақстан Республикасының "Қазақстан Республикасындағы сайлау туралы" Конституциялық заңына сәйкес, құжаттардың толық тізбесін ұсынып, тиісті мемлекеттік органдардың тексеруінен өтті. 2021 жылдың 14 шілде күні сағат 18.00-ге дейін 3 ұсынушы аудандық аумақтық сайлау комиссиясының шотына өз сайлау жарналарын аудармағандықтан, Қазақстан Республикасының "Қазақстан Республикасындағы сайлау туралы" Конституциялық заңына сәйкес, оларды ауылдық округ әкіміне кандидат ретінде тіркеуден бас тартылды.
Осылайша тіркеудің қорытындысы бойынша Зеленов ауылдық округінің әкімдігіне 3 кандидат тіркелді: "Nur Otan" партиясынан – 1 кандидат Давлетов І.С., "ADAL" саяси партиясынан – 1 кандидат Айсағалиев М.К. және өзін-өзі ұсынушыдан 1 кандидат Төрешов М.Б.
Чиров ауылдық округінің әкімдігіне 3 кандидат тіркелді: "Nur Otan" саяси партиясынан - 1 кандидат Штык Н.П. және өзін-өзі ұсынушыдан - 2 кандидат Ерболатов Б.Х пен Қонашев Н.А.
Январцев ауылдық округінің әкімдігіне 3 кандидат тіркелді: "Nur Otan" саяси партиясынан-1 кандидат Жұмағалиев А.Е. және өзін-өзі ұсынғандардан - 2 кандидат Үмбеткалиев Ф.М пен Жолжанов Ғ.О.