Мал азығын дайындау мәселелері бойынша брифинг өтеді

18 тамыз күні сағат 10:30-да Батыс Қазақстан облысының Өңірлік коммуникациялар қызметінде «Мал азығын дайындау жұмыстары туралы» тақырыбында брифинг өтеді.

Брифинг барысында Батыс Қазақстан облысының ауыл шаруашылығы басқармасының басшысы Жасұлан Халиуллин 2026–2027 жылдардағы мал қыстағына дайындық жұмыстары, мал азығын дайындаудың қазіргі барысы және мал шаруашылығы құрылымдарын қажетті жем-шөппен қамтамасыз ету мәселелері туралы айтып береді.

Сонымен қатар, мал азықтық дақылдардың егіс көлемін ұлғайту, суармалы мал азығын өндіруді дамыту, ауыл шаруашылығы құрылымдарын дизель отынымен қамтамасыз ету және қажетті мал азығы қорын қалыптастыру бойынша атқарылып жатқан жұмыстар жөнінде ақпарат ұсынылады.