Құрметті аудан тұрғындары!
Сіздерді еліміздің ең қасиетті мерекелерінің бірі - Қазақстан Республикасының Тәуелсіздік күнімен шын жүректен құттықтаймын!
Тәуелсіздік – халқымыздың сан ғасырлық арманы мен асқақ мұратының жүзеге асқан жарқын көрінісі, мемлекетіміздің егемендігі мен тұтастығын айқындайтын ең басты құндылық. Бұл күн еліміздің тарихында елдік пен еркіндіктің, бірлік пен жасампаздықтың символы ретінде айрықша орын алады.
Осы бір тағдырлы таңдау нәтижесінде Қазақстан әлемдік қауымдастықта өзіндік орны бар, саяси тұрғыдан тұрақты, экономикалық әлеуеті нығайған мемлекетке айналды. Ел ішінде қалыптасқан қоғамдық келісім мен өзара түсіністік, азаматтарымыздың тынымсыз еңбегі мен ел дамуына қосқан үлесі Тәуелсіздігімізді нығайта түсуге берік негіз болды.
Мемлекет басшысының бастамасымен жүзеге асырылып жатқан ауқымды реформалар елдің әлеуметтік-экономикалық дамуын жаңа сапалы деңгейге көтеруге бағытталған. Бұл өзгерістер ауданымыздың да өркендеуіне, инфрақұрылымның жаңғыруына, кәсіпкерліктің дамуына және тұрғындардың тұрмыс сапасының артуына оң әсерін тигізуде.
Бүгінгі таңда ауданымызда білім беру, денсаулық сақтау, ауыл шаруашылығы, шағын және орта бизнес салаларында жүйелі жұмыстар атқарылуда. Алдағы кезеңде де біз халықтың әл-ауқатын арттыру, жұмыс орындарын ашу, әлеуметтік нысандарды жаңарту және елді мекендерді көркейту бағытындағы жұмыстарды бірлесе жалғастыра беретін боламыз.
Қазіргі жаһандық өзгерістер жағдайында берекелі бірлігімізді сақтап, ортақ жауапкершілік пен отансүйгіштік рухында еңбек ету – баршамыздың басты міндетіміз. Бірлік бар жерде – береке бар, ал татулық пен тұрақтылық – табысты дамудың кепілі.
Осы орайда аудан тұрғындарының ел игілігі жолындағы белсенді азаматтық ұстанымы мен адал еңбегі үшін шынайы ризашылығымды білдіремін. Алдағы уақытта да бірлесе отырып, Тәуелсіз еліміздің және туған ауданымыздың дамуына лайықты үлес қосамыз деп сенемін.
Баршаңызға зор денсаулық, отбасыларыңызға амандық, еңбектеріңізге табыс, елімізге тыныштық пен тұрақтылық тілеймін!
Қастерлі Тәуелсіздігіміз мәңгілік болсын, еліміздің тұғыры биік, болашағы жарқын болсын!
Құрметпен,
Ақжайық ауданының әкімі
М.Сердалин