Ақжайық ауданының әлеуметтік-экономикалық дамуы
Бүгін Батыс Қазақстан облысының Өңірлік коммуникациялар қызметінде Ақжайық ауданының әкімі Мұрат Сердалин ауданның әлеуметтік-экономикалық дамуы туралы брифинг өткізіп, ауданның негізгі жетістіктері мен даму көрсеткіштері туралы баяндады.
Ауыл шаруашылығы:
- Жалпы өнім көлемі 35 млрд 561 млн теңгені құрап, өткен жылдың сәйкес кезеңімен салыстырғанда 13,2%-ға артып отыр.
- Мал басы: 157 543 МІҚ, 52 947 жылқы, 199 089 қой-ешкі.
- Асыл тұқымды ІҚМ үлесі – 47%, қой – 8,9%, жылқы – 12,6% өсті.
- Ауданда 7 мал бордақылау алаңы тұрақты жұмыс жасауда.
- 15 жаңбырлатқыш қондырғы орнатылып, 1 125 га суарылды.
- Мал азығы жоспары 101,4% орындалды.
Кәсіпкерлік және өнеркәсіп:
- Шағын және орта кәсіпкерлік субъектілерімен 13,7 млрд теңге көлемінде өнім өндіріліп, өткен жылмен салыстырғанда 58,9%-ға өсті.
- Өнеркәсіптік өндіріс көлемі 4,2 млрд теңгені құрап, өсім 267,3%-ды қөрсетті.
- Негізгі капиталға салынған инвестиция көлемі 29,6 млрд теңге. Соның ішінде 9,7 млрд теңге бюджеттік қаражат, 19,9 млрд теңге жеке инвестиция.
- Ауданда 34 жоба жүзеге асырылуда. Оның ішінде 9 жоба іске қосылып, 32 жұмыс орны ашылды.
- «Ауыл аманаты» бойынша 22 кәсіпкер несиеленіп, 24 жаңа жұмыс орны ашылды.
Инфрақұрылым:
- Ауданда 45 елді мекеннің 38-і сумен қамтылған, 7-інде блок-модульдер орнатылды. Тоғанда жаңа модуль пайдалануға берілді, Чапаевтағы су құбыры 95% дайын.
- 9,2 км электр желісі ауыстырылып, 352 бағана жаңартылды.
- Әлеуметтік әлсіз топтағы азаматтарға 76 пәтер, «Қаладан ауылға» аясында 3 пәтерлі үй, медицина қызметкерлеріне 10 қызметтік пәтер беру жоспарлануда.
Жол-көлік инфрақұрылымы:
- 45 елді мекеннің 12-сіне кіреберіс жол асфальтталды. Мергенде 5 км жол жөнделді, Қамыстыкөлде 1 км қиыршық тас төселді. Бударинде 3, Чапаевта 2 көше күрделі жөндеуден өтті, Чапаевтағы 6 көше аудан бюджетінен қиыршық таспен жабылды.
Әлеуметтік сала:
- «Қаладан ауылға» бағдарламасы бойынша 5 елді мекенге 7 отбасы көшіп келді (18 мектеп жасы). 9 жаңа медициналық нысан, Көнеккеткенде жаңа мәдениет үйі, Есенсайда спорт кешені ашылды. Чапаев және Тайпақ кітапханалары модернизациядан өтті.