Жеке қабылдау

Аудан әкімі Мұрат Сердалин азаматтардың жеке мәселелері бойынша жеке қабылдау өткізді.

Аудан басшысымен бірге қабылдауға аудандық бөлім, мекеме басшылары, Чапаев ауылдық округінің әкімі Биболат Зейнуллин қатысты.

Мұрат Сердалин 23 азаматтың өтініш-тілектерін тыңдады. Аудан тұрғындарының басым бөлігі баспанамен қамтамасыз ету жайын сұрады, сондай-ақ жер учаскелеріне пайдалану құқығын алу, Чапаев ауылындағы мал бағымы, жол, арықтағы су және көппәтерлі тұрғын үйлердің алаңына ойын алаңдарын салу мәселелерін шешуге қатысты өтініштер айтылды.

Аудан әкімі тұрғындар көтерген сұрақтар бойынша тиісті жұмыстар атқарылатынын айтты. Азаматтардың барлық мәселесі бақылауға алынады және ҚР Заңдарын негізге ала отырып, шешілетін болады.