Қоныс құтты болсын!
Бударин ауылында тұрғын үй кезегінде тұрған 2 отбасыға жаңа пәтерлердің кілті табысталды.
Шараның шымылдығын аудан әкімі Мұрат Амангелдіұлы құттықтау сөз сөйлеп, ашты.
Қуанышты осы шарада Бударин, Жаңабұлақ және Шабдаржап ауылының отбасылары да су жаңа баспананың кілтін алды.
Халықтық «Жайдарман» әжелер ансамблі ән әуелетіп, шашу шашса, Бударин ауылдық ардагерлер кеңесінің төрағасы Хамит Оразұлы сөз сөйлеп, жаңа шаңырақ иелеріне береке мен бірлік тіледі. Пәтер иелері де өздерінің жақсы лебіздерін жаудырды.
Сондай-ақ шараға облыстық мәслихат депутаты Ақылбек Сағитов, аудандық мәслихат төрағасы Сәлімгерей Сиражев және Ақжайық ауданы әкімінің орынбасары Ердос Умитов қатысты.