БАСТАУЫШ СЫНЫП МҰҒАЛІМДЕРІНЕ АРНАЛҒАН «АЛТЫН ТҰҒЫР» РЕСПУБЛИКАЛЫҚ МАТЕМАТИКАЛЫҚ ОЛИМПИАДАСЫНЫҢ ОБЛЫСТЫҚ КЕЗЕҢІ

«Алтын тұғыр» Республикалық математикалық олимпиадасының қалалық кезеңі

2025 жылғы 6 қаңтарда «Зерделі ақыл-ой дамыту»  білім беру  орталығы және «Дарын» Республикалық ғылыми-тәжірибелік орталығының ұйымдастыруымен өткізілген бастауыш сынып мұғалімдеріне арналған «Алтын тұғыр» Республикалық математикалық олимпиадасының облыстық кезеңіне Семей қаласы білім беру мекемелерінің бастауыш сынып мұғалімдері қатысты. Аталмыш іс-шара бастауыш сынып мұғалімдерінің кәсіби қызметінде жоғары нәтижелерге жетуге ұмтылысын жетілдіру, мұғалімдердің шығармашылық әлеуеті мен педагогикалық шеберлігін дамыту, мұғалім мамандығының мәртебесін арттыру мақсатында өткізілді.

Олимпиада нәтижесі бойынша Берікова Еркежан Берікқызы (№12 ЖОББМ), Гадильшинова Мархабат Галиповна (№25 ЖОББМ), Суйгенбаева Айерке Молдабайкызы (№34 ЖОББМ),  Жакпекова Асемгуль Сейрказыевна  (№38 ЖОББМ)  І жүлделі орынды жеңіп алды. Шварцкопф Светлана Станиславовна (№1 ЖОББМ),  Чарикова Светлана Валерьевна (№2 ЖОББМ), Юсбекова Альмира Киноятовна (№9 ЖОББМ)  ІІ  жүлделі орынды, Закирова Гульфия Капановна  (№4 ЖОББМ), Сусоева Ольга Михайловна  (СОШ №18)  ІІІ жүлделі орынды иеленді. Барлық қатысушыларға сертификаттар табысталды. Командалық есепте Семей қаласының командасы І орынды жеңіп, «Ең үздік олимпиадалық команда – 2025» атағына ие болды.

Облыстық кезеңінің жеңімпаздары Абай облысы командасы құрамында Астана қаласында өткізілетін «Алтын тұғыр» Республикалық математикалық олимпиадасының республикалық кезеңіне жолдама алды.

Олимпиаданың жеңімпаздары мен жүлдегерлерін  құттықтаймыз!