Педагог қызметкерлердің тамыз конференциясы аясындағы бастауыш сынып мұғалімдерінің секция отырысы

Семей қаласы педагогтерінің тамыз конференциясы аясында «Бастауыш сынып оқушыларының оқу сауаттылығын дамыту» тақырыбында секция отырысы өткізілді. Іс-шараға 400-ден астам бастауыш сынып мұғалімі қатысты. Отырыс барысында Астана қаласының Ә.Бөкейхан атындағы BINOM school мектеп-лицейінің бастауыш сынып мұғалімдері Жақсыбаева Аружан Жасуланқызы («Белсенділік пен икемділік дағдылары: заманауи сабақ формуласы»), Сәрсенова Назерке Омарғазықызы, Лесбек Раушан Талғатқызы («Бастауыш сыныпта оқу сауаттылығын дамыту»), Қ.Сәтбаев атындағы BINOM school мектеп-лицейінің бастауыш сынып мұғалімдері Карменбаева Шолпан Нурхасимовна, Рахимова Лязат Каженовна («45 минут Апгрейд әдісін әдебиеттік оқу сабағында қолдану»), Семей қаласының Ы.Алтынсарин атындағы №37 гимназияның бастауыш сынып мұғалімі Азаматова Асем Мукановна («Оқу сауаттылығын қалыптастыру – нәтижеге бағытталған білім кепілі»), Шәкәрім атындағы көпбейінді №5 гимназияның мұғалімдері Сексенбаева Сауле Кенжегалиевна, Каленова Куляим Серикбаевна («Оқу сауаттылығы – бастауыштан басталатын ірге тасы»), «Bright Futures School» ЖМС бастауыш сынып мұғалімі Усенова Дидар Эрнстовна («Оқуға арналған мәтіндер және көркем шығармалармен жұмыс істеу стратегиялары»), №35 ЖОББМ педагогтері Дуйсенбаева Айгуль Тилегеновна, Күнслямова Мейрамгүл Мұратқызы («Оқуды түсінудің негізгі процестері», «Оқусауаттылығын қалыптастырудағы мәтіндер»), №18 ЖОББМ мұғалімі Садвакасова Акмарал Слямгалиевна («Бастауыш білім алушыларының оқу сауаттылығын арттырудағы әдіс-тәсілдерінің қолдануы») өз іс-тәжірибелерімен бөлісіп, шеберлік сыныптарын өткізді. Іс-шара қатысушыларына жұмыс тәжірибесінен қызықты, мазмұнды презентациялар ұсынылды. Секциялық отырыс соңында қатысушылар пікір алмасып, кері байланыс орнатты, спикерлердің жұмыстарына оң баға берді. Педагогтер өз пікірлерінде іс-шараның тиімділігін атап өтті.