«Адал азамат» біртұтас тәрбие: Іс-шарадан — Индикаторға** атты семинар-практикум өткізілді.

Семинардың басты мақсаты — тәрбие жұмысын формалды іс-шаралар деңгейінен нақты нәтижеге бағытталған жүйелі жоспарлау мен бағалау деңгейіне көтеру.

**Семинар екі бөлімнен тұрды:**

**І бөлім — “Іс-тәжірибеден — нәтижеге”**

Бұл бөлімде мектептер өздерінің үздік тәжірибелерімен бөлісіп, тәрбие жұмысын ұйымдастырудағы тиімді тәсілдерін ұсынды. Қатысушылар нақты мысалдар арқылы нәтижеге бағытталған жұмыстың маңыздылығын талқылады.

**ІІ бөлім — “Идеядан — индикаторға: тәрбие жұмысын жоспарлау мен бағалау”**

Практикалық бөлімде қатысушылар топтық жұмыстар арқылы:

• «Адал азамат» тәрбие жүйесіндегі басым бағыттар мен индикаторларды анықтады;

• мектеп музейлерінде экспозиция жасақтау жолдарын қарастырды;

• “Аманат” клубының тәрбие жүйесіндегі рөлі мен тәжірибесін талдады;

• GROW моделін стратегиялық жоспарлаудың тиімді құралы ретінде тәжірибеде қолданды.

Семинар барысында педагогтер тәрбие жұмысын нақты деректерге сүйеніп жоспарлау, нәтижені өлшей білу, артық рутинаны азайтып, тиімді әрекетке көшу қажеттігін атап өтті.

Іс-шара қатысушылар үшін тәжірибе алмасуға, жаңа идеялармен толықсуға және тәрбие жұмысының сапасын арттыруға бағытталған маңызды кәсіби алаң болды.