Жекелеген санаттағы балалармен әлеуметтік педагогтің жұмыс барысы

Бөрлі ауданының білім беру ұйымдарының әлеуметтік педагогтарына арналған «Жекелеген санаттағы балалармен әлеуметтік педагогтің жұмыс барысы» атты семинар өтті. Іс-шара Ақсай қаласының №2 жалпы орта білім беретін мектебінде ұйымдастырылып, әлеуметтік-педагогикалық жұмыстың өзекті мәселелері талқыланды.

🔹 Семинар мақсаты – жекелеген санаттағы балалармен жұмыстың тиімді әдіс-тәсілдерін ұсыну, олардың құқықтарын қорғау және әлеуметтік қолдау көрсету жолдарын түсіндіру, мамандар арасында тәжірибе алмасу.

📌 Қарастырылған негізгі тақырыптар:
– «Otbasy First» ата-аналарды қолдау бағдарламасы
– Жекелеген санаттағы балалармен тиімді әлеуметтік жұмыс
– Қиын жағдайдағы отбасылармен жұмыс алгоритмі
– Әлеуметтік қауіп-қатер тобын ерте анықтау әдістері
– Педагог пен бала арасындағы сенімді қарым-қатынаста эмоционалды интеллекттің рөлі

💬 Семинар барысында қатысушылар өз тәжірибелерімен бөлісіп, нақты кейстерді талқылады, сұрақ-жауап форматында пікір алмасты.