2025 жылы 16 сәуірде Бесқарағай аудандық мәслихатының кезекті жиырма жетінші сессиясы өтті.

Сессия отырысына мәслихат депутаттар, Бесқарағай ауданының әкімі Нұрбек Тұрсынканович Қошқарбаев, Абай облысы бойынша тексеру комиссиясының мүшесі Битолеуов Еркебұлан Даулетжанович, Бесқарағай аудандық прокуратурасының аға  прокуроры Ерік Мұратұлы Аубелов, ауылдық округ әкімдерінің м.а мамандар және дербес бөлімдердің басшылары қатысты.

         Сессия жұмысында қарастырылған сұрақтар

1. 2024 жылғы аудандық бюджеттің атқарылуы туралы есеп.
2. 2024 жылғы ауылдық округ әкімдері бюджеттерінің атқарылуы туралы есептер.
3. Бесқарағай ауданында көктемгі егіс науқанына дайындық барысы туралы есеп.
4. Әртүрлі мәселелер:

1) Бесқарағай аудандық мәслихатының 2023 жылғы 26 желтоқсандағы № 11/5–VIII «Аумақтық және учаскелік сайлау комиссияларының жаңа құрамын құру туралы» шешіміне өзгерістер енгізу туралы;

2) Бесқарағай аудандық мәслихатының 2023 жылғы 19 қаңтардағы  № 31/4–VII «Округтік сайлау комиссиялардын жана құрамдарын қалыптастыру туралы» шешіміне өзгерістер енгізу туралы;

3) Бесқарағай аудандық мәслихатының 2023 жылғы 14 қарашадағы № 9/15-VIІІ «Бесқарағай ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» шешіміне өзгеріс енгізу туралы;

4) Бесқарағай аудандық мәслихатының 2024 жылғы 25 желтоқсандағы № 25/8-VIІІ «Бесқарағай ауданы бойынша жер комиссиясының дербес құрамы туралы»;

5) Республикалық, облыстық және аудандық маңызы бар алғыс хаттармен және грамоталармен марапаттауға кандидатураларды ұсыну жөніндегі комиссиясының дербес құрамы туралы;

6) Бесқарағай аудандық мәслихатының 2021 жылғы 30 наурыздағы № 3/9-VІІ «Бесқарағай аудандық бюджеттік комиссиясының дербес құрамы туралы» шешіміне өзгерістер енгізу туралы;

7) Бесқарағай аудандық мәслихатының кейбір шешімдердің күшін жою туралы;

8) Абай облысы Бесқарағай ауданының кейбір елді мекендерінің шекараларын (шегін) белгілеу туралы;

9) Бесқарағай аудандық мәслихатының 2023 жылғы 19 қаңтардағы № 31/5-VІІ «Бесқарағай ауданы әкімдігінің дербес құрамын келісу туралы» шешіміне өзгерістер енгізу туралы;

10) Бесқарағай аудандық мәслихатының 2020 жылғы 11 тамыздағы № 55/8-VІ «Бесқарағай ауданының ауылдық елді мекендерінде тұратын және жұмыс істейтін мемлекеттік денсаулық сақтау, әлеуметтік қамсыздандыру, білім беру, мәдениет, спорт және ветеринария ұйымдарының мамандарына бюджет қаражаты есебінен коммуналдық көрсетілетін қызметтерге ақы төлеу және отын сатып алу бойынша әлеуметтік қолдау көрсету тәртібін және мөлшерін бекіту туралы»

Күн тәртібіндегі барлық мәселелер қарастырылып, депутаттар бірауыздан оң дауыс берді.