30-сәуір күні Дөненбай ауылындағы "А. Көшкімбаева атындағы ЖББОМ" КММ-де Аягөз аудандық білі бөлімінің Оқу, ғылыми әдістемелік кабинет меңгерушісі Ж. Ы. Маликова 4,9,11-сынып оқушылары және осы сыныптардың ата-аналарымен жиналыс өткізді. Жиналыс күн тәртібінде: оқу жылын ұйымдасқан түрде сапалы аяқтау, қорытынды және аралық аттестацияны өткізу, оқушылар арасындағы буллингтің алдын алу тақырыптары айтылды
30 сәуір Семей қаласында Абай облысы мұғалімдерінің "Мерейлі ұстаз" ІІ облыстық форумында химия пәнінің аудиториясына "№4 аралас жылпы білім беретін орта мектеп" КММ физика пәні мұғалімі , педагог-зерттеуші, Максымбаева Айжан Калдыгалиевна "Ядролық реакциялар. Радиоактивті ыдырау заңы" тақырыбында шебер сынып көрсетті. Бұл тақырып жаңартылған білім беру мазмұнының аясында пәнаралық байланысты жүзеге асыру мақсатында алынды. Сабақ барысында ұстаздар сабаққа белсене араласып, берілген тапсырмаларды орындады. "Vaschak", "Phet colorado" симуляторларымен жұмыс істеу, сонымен қатар радиоактивті элементтердің жартылай ыдырау периодын есептеудегі тәжірибелік тапсырмаларды орындау барысында лайфхактар көрсетілді. Сабақтың тиімділігі жоғары бағаланғаны қатысушылардың кері байланысы аңғартты. Форум соңында шебер сынып көрсеткен ұстаздар сертификаттармен марапатталды.
Аягөз ауданы білім бөлімінің «Баршаға қол жетімді сапалы білім» ұлттық баяндамасын жүзеге асыру жол картасы негізінде «Баламен қарым қатынас құру құпиясы» кейсін басшылыққа алып 30.04.2024 жыл «А.Көшкімбаева атындағы жалпы орта білім беретін мектеп»КММ-де «Ата-аналар мен оқушыларды психологиялық сүйемелдеу және қолдау, психологиялық ағарту жұмыстарын ұйымдастыру» тақырыбында педагог - психологтарға арналған іс-тәжірибе алмасу семинары өтті. Мақсаты: Заман талабына сай ата-аналар мен оқушыларды педагогикалық қолдау және психологиялық сүйемелдеу жұмыстары аясында тәжірибе алмасу, отбасы тәрбиесінде ұлттық құндылықтарды дәріптей отырып, психологиялық ағарту жұмыстарын жүргізу.
Аудандық семинарға Аягөз аудандық білім бөлімінің басшысы Н.Азимбаев, оқу, ғылыми, ұйымдастырушылық, әдістемелік кабинетінің меңгерушісі Ж.Маликова, әдістемелік кабинетінің әдіскері А.Амреева, 25-педагог-психолог қатысты. Семинарды «А.Көшкімбаева атындағы жалпы орта білім беретін мектеп»КММ-сі Ата-аналарды педагогикалық қолдау аясында «Даналық мектебі» жұмысымен таныстырып, оқушылардың өнерімен ашты. «Бала бойында ұлттық құндылықтарды қалыптастыруда отбасының рөлі» тақырыбында педагог-психолог Ш.Баймагулова психологиялық тренинг жүргізді, «Ақшәулі жалпы орта білім беретін мектеп» КММ-нің педагог-психологы Қ.Рахимбаева «Отбасындағы зорлық-зомбылықтың бала психологиясына әсері» тақырыбында практикалық жұмыспен таныстырып, «Буллинг және кибер буллингтің алдын алу» тақырыбында «Айғыз жалпы орта білім беретін мектебі»КММ-нің педагог-психологы Б.Сартымбетова коучинг жүргізді. «Т.Есімжанов атындағы жалпы орта білім беретін мектеп» КММ-нің педагог-психологы М.Ахунова «Бақытты отбасы – жайлы мекен» тақырыбында практикалық жұмыс көрсетті. Ұйымдастырылған іс-шара көздеген мақсатына жетіп, педагог-психологтар керекті әдіс-тәсілдерін қоржынға жинақтап, кәсіптік білімдерін толықтырып қайтты.
#Біртұтас_тәрбие_Абай_облысы_Абай
#АПҚО_Абай_облысы_Абай
2023-2024 оқу жылын 3,8 млн-нан астам қазақстандық оқушы аяқтайды, оның 186 мыңы мектеп түлектері, деп хабарлайды ҚР Оқу-ағарту министрлігінің баспасөз қызметі.
Биылғы оқу жылының ұзақтығы 34 аптаны құрайды, оқу 25 мамырда аяқталады.
«Су тасқынынан орын алған жағдайға және 25 мамырдың демалыс күніне сәйкес келуіне байланысты 24 мамыр күні барлық мектептерде сабақта 2023-2024 оқу жылының аяқталуына арналған сынып сағаты ұйымдастырылады. Онда сынып жетекшілері оқушылармен бірге өткен оқу жылын қорытындылайды» - деп атап өтті Тәрбие жұмысы және қосымша білім беру департаменті директорының орынбасары Қарлығаш Құрманбекова.
11 (12) сынып түлектеріне аттестат тапсыру және ерекше үлгідегі «Алтын белгімен» марапаттау 12-15 маусым аралығында мектептердегі барлық емтихандар аяқталғаннан кейін өтеді.
Айта кетейік, 9-11 сынып түлектерінің қауіпсіздігін және емтихандарға сапалы дайындығын қамтамасыз ету мақсатында ақша жинауға, салтанатты іс-шаралар, банкеттер ұйымдастыруға және автомобильдермен шығуға тыйым салынады.
2024 жылдың сәуір айының 29 күні «Облыстық инновациялық – әдістемелік орталық» КММ-і ұйымдастыруымен «Талантты ұстаз-ел өрісі» атты ардагер ұстаздар мен жас ұстаздар арасында фестиваль өтті. Фестивальға «Мектеп жанындағы интернаты бар жалпы орта білім беретін № 6 мектебі» КММ-нің ұстаздары қатысып Абай облысы бойынша 54 қатысушының ішінен Алпысбаева Жанаргүл Саяжановна, Мирасхат Ұлпан «Ұлттық тағамды насихатту» бойынша 2 орын, «Талантты ұстаз-ел өрісі» бойынша 3 орынға ие болып Абай облысы білім басқармасының басшысы Н.Ахметкалиевтың дипломдарымен марапатталды. Құттықтаймыз!!!!
#Біртұтас_тәрбие_Абай_облысы_Аягөз
#АПҚО_Абай_облысы_Аягөз
2024 жылдың 27-28 сәуір аралығында ішкі саясат, мәдениет, тілдерді дамыту және спорт және аудандық білім бөлімдерінің ұйымдастыруларымен жасөспірімдер арасында аудандық жекелей шахмат жарысы «№ 9 бастауыш аралас мектебі» КММ-де өткізілді.
Мақсаты: Оқушылар арасында шахмат ойынын дәріптеу,оқушылар арасында достықты нығайту;
Жарысты жоғарғы дәрежеде өткізуге төрешілер Ф.Усманов, Б.Семинарұлы ат салысты.8-10 жас,10-14 жас ,14 -тен жоғары жастағы жасөспірімдер арасында өткізілген дода жоғарғы дәрежеде өткізілді. Жиыны 100 -ге жуық оқушылар қатысқан жарыс тартысты өтіп,мықтының мықтысын айт демекші,жақсы ойын көрсеткен ойыншылар жүлдегерлер қатарынан көрінді.
Барлық жеңімпаздар мен жүлдегерлер ішкі саясат, мәдениет, тілдерді дамыту және спорт бөлімінің арнайы медальдарымен,мақтау қағаздарымен марапатталды.
2024 жылы 25 –сәуір күні Абай облысы білім басқармасының Аягөз ауданы білім бөлімінің «Шынқожа батыр атындағы жалпы орта білім беретін мектебі» КММ-де «Жас маманның ізденісі-сапалы білім кепілі» аудандық жас ұстаздар семинары болып өтті.
Тәжірибелік семинардың мақсаты:
- Жас мамандардың кәсіби құзыреттілігін арттыру, олардың өзіндік кәсіби өсуіне көмектесу;
- Жас мамандарды ұжымдық ортаға бейімдеу;
- Әдістемелік көрсету және жеке көмек шығармашылық қызметін қалыптастыру.
Міндеті:
- Жас мамандардың кәсіби дайындық деңгейін анықтау;
- Жас маманға өзін-өзі дамуының оңтайлы жолдарын іздестіру әдістерін ұсыну;
- Жас мамандардың оқу-тәрбие процесіне араласуына әдістемелік көмек көрсету.
Қонақтарды қарсы алу сәтінде биылғы жылғы айтулы дата иелері: хан-билер, қоғам қайраткерлері, ақын-жазушылар, Ұлы Отан соғысы батырларының бейнесі сомдалды.
Семинарды Аягөз аудандық оқу, ғылыми әдістемелік кабинетінің меңгерушісі Ж.Ы.Маликова ашып, жас мамандарға сәттілік тіледі. Мектебіміздің оқу ісінің меңгерушісі М.А. Исатаева іс-шараның бағдарламасымен таныстырды.
Семинарда жас мамандар ашық сабақтар мен сыныптан тыс іс-шаралар, сонымен қатар шеберлік сабақтар өткізді.
24-25 сәуір аралығында волейболдан "№10 қазақ мектеп гимназиясы" КММ-ң жүлдесіне арналған 2009-2010 ж.т қыздар арасында аудандық жарыс өтті. Жарыстың мақсаты: Спортшылар арасында достықты нығайту,салауатты өмір салтын насихаттау;
Ашылу салтанатында аудандық білім бөлімінің әдіскері С.Қыржыбаев,мектеп директоры А.Авленов волейболшы қыздарды құттықтап,сәттілік тіледі. Мектептің өнерпаздары өнерлерін ортаға салып,көрермендердің қошеметіне ие болды.Жарыстың төрешісі Д.Еділбаев жарыстың өту тәртібімен таныстырды.
Жарысқа ауданнан үздік деген 13 команда қатысып, өзара мықтыны анықтады.
Жарыс қызықты, әрі тартысты өтті.
Жарыстың қорытындысында "Көпбейінді қазақ мектеп гимназиясы"КММ-ң командасы І орын иеленсе,жарыс иелері –«№10 қазақ мектеп гимназиясы»КММ-ң командасы ІІ орын, «Мектеп жанындағы интернаты бар ЖОББ№6М»КММ-ң командасы ІІІ орын иеленді. «Үздік қорғаушы- Бақтыбаева Диана(№6ом),»Үздік доп үйлестіруші»- Есентаева Айсара(№10 гимназия),»Үздік шабуылшы»-Талғат Нарқыз (№10 гимназия), «Үздік ойыншы»- Мәдениетқызы Іңкәр болып танылды.Жеңімпаздар мен жүлдегерлер,үздік ойыншылар аудандық білім бөлімінің мақтау қағаздарымен, №10 гимназияның кубоктарымен медальдарымен,бағалы сыйлықтарымен марапатталды.
Шәкірттеріміз бен жетекшілерін жеңістерімен құттықтаймыз. Алар асуларыңыз мол болсын!
Халыққа еңбегі сіңген емші,ұстаз Омархан қари Қажыұлы Қазыбай қари жүлдесіне арналған аудан мектептерінің білім қызметкерлері арасындағы дәстүрлі XV волейбол жарысы №4 жалпы орта білім беретін аралас мектебінде 2024 жылдың 26-27 сәуір аралығында өткізілді. Ашылу салтанаты жоғарығы деңгейде ұйымдастырылды.Білім бөлімінің әдіскері С.Қыржыбаев,ардагерұстаздар Е.Шарафутдинов,Ж.Мухаметкалиева,Қазыбай атамыздың туыстары, балалары спортшыларға ақ жол,сәттілік тіледі. Ұстаз Омархан қари Қажыұлы Қазыбай қари, халыққа емшілік қасиетімен қатар ұстаздық тәлім тәрбие бере отырып шәкірт тірбиелеген ұлағатты ұстаз. Қазіргі таңда, Ұстаз Қазыбай қари тәрбиелеген шәкірттері халық игілігіне еңбек етуде.
Жарысқа келсек,12 команда бақтарын сынады. Жарыстың бас төрешісі Е.Игисинов төрешілер отырысында жеребе арқылы 3 топқа бөлінгенін хабарлап,командалар жарыс жолына шықты. Алдарына жан салмай,топтық ойындарда жақсы өнер көрсетіп, ақтық ойындарға №4 орта мектебі,№1 орта мектебі және балалар-жасөспірімдер спорт мектебінің командалары шығып,жүлделі орындарды сарапқа салды. Қарсыластарын тізе бүктіріп, І орынды №4 орта мектебінің командасы иеленді ,ІІ орынды балалар-жасөспірімдер спорт мектебінің командасы,ІІІ орынды № 1 орта мектебінің командасы иеленді. "Үздік ойыншы" болып Умбеталиев Дастан(№4ОМ) "Үздік доп үйлестіруші" -Кабылбаев Ержан (БЖСМ),"Үздік қорғаушы"- Е.Оралбеков(№1ОМ)және үздіктер қатарынан А.Омарбеков(мектеп-гимназия),Ж.Панов(№4ОМ)көріне білді.
Жарыс жүлдегерлері және үздік ойыншылар Қазыбай атаның ұрпақтарынан ұсынылған кубоктармен,мақтау қағаздармен,медальдармен,бағалы сыйлықтармен және ардагер ұстаз Ж.Мухаметкалиеваның екі үздік ойыншыға берген бағалы сыйлықтарымен марапатталады