Тәуелсіздігіміздің 34 жылдық мерекесі қарсаңында "Baiakhmet" жауапкершілігі шектеулі серіктестігіне қарасты "Алтын сақа-2" бөбекжай-балабақшасы ашылды.
Жаңа балабақша заман талабына сай жабдықталған:кең әрі жарық топ бөлмелері, ойын және демалыс аймақтары,сондай-ақ балалардың шығармашылық қабілеттерін дамытуға арналған мүмкіндіктер қарастырылған.
Әр топ, балалардың жас ерекшеліктеріне қарай интеллектум және ұлттық құндылықтар бағыты бойынша қажетті әдістемелік құралдар, ойын түрлері, әр түрлі роботтар, электронды кітаптармен толықтырылған.
Бұл балабақша - болашақ ұрпақтың алғашқы білім мен тәрбие алатын, олардың тұлғалық дамуына негізі қаланатын қасиетті мекен. Мұнда балалардың қауіпсіздігі, денсаулығы және жан-жақты дамуы басты назарға алынған.
Ұлттық Мектеп Лигасы аясындағы 7-8 сынып қыздар арасындағы «№ 3 жалпы орта білім беретін аралас мектебі»КММ-де аудандық баскетбол жарысы өтті.
Нәтижесі:
l орын алған “Қалалық көпбейінді қазақ мектеп-гимназиясы” командасы.
ll орын алған “№5 жалпы орта білім беретін мектебі” КММ.
lll орын алған “С.Ғаббасов атындағы жалпы білім беретін орта мектеп” КММ.
“Үздік ойыншы” – Серікхан Дильназ “Қалалық көпбейінді қазақ мектеп-гимназиясы” оқушысы .
“Үздік қорғаушы” – Тлеусерік Іңкәр “Қалалық көпбейінді қазақ мектеп-гимназиясы” оқушысы.
“Үздік шабуылшы” – Мұхаметбек Ақниет “№5 жалпы орта білім беретін мектеп” КММ оқушысы.
“Үздік ортаңғы ойыншы” – Төлеу Махаббат “С.Ғаббасов атындағы жалпы білім беретін орта мектеп” КММ оқушысы.
Құттықтаймыз.
Абай облысы білім басқармасы Аягөз ауданы білім бөлімінің «Сары-Арқа жалпы орта білім беретін мектебі» КММ-де «Мейірімді мектеп мәдениеті: достық, қолдау және қауіпсіз цифрлық кеңістік қалыптастыру» тақырыбында аймақтық семинар өтті.
Семинардың мақсаты:
- Оқушылар үшін мейірімді, қолдаушы және қауіпсіз мектеп ортасын қалыптастыру;
- Кибербуллинг, әлеуметтік буллинг, интернет тәуелділігі және өзін-өзі зақымдау секілді қауіптердің алдын алу жолдарын қарастыру;
- Педагогтердің кәсіби құзыреттілігін арттыру.
Күтілетін нәтиже:
- Балаларға қауіпсіз мінез-құлық дағдыларын қалыптастыру;
- Қатысушылар нақты әдістер мен жаттығулар арқылы тәжірибе алмасты.
Іс-шаралар:
Педагогикалық консалтинг
Сынып сағаты
Ата-аналарға арналған тренинг
Шебер-сынып
Қорытындылау, кері байланыс
Семинар қатысушылар үшін пайдалы тәжірибе алаңы болды.
#мейірімдімектеп #буллингкеқарсымыз #қауіпсізцифрлықкеңістік #СарыАрқаМектебі #АягөзБілім #Абайоблысы
Ұлттық Мектеп Лигасы аясындағы 7-8 сынып ұлдары арасындағы аудандық баскетбол жарысы өтті.
Нәтижесі:
l орын алған “Қалалық көпбейінді қазақ мектеп-гимназиясы” командасы
Жетекшісі:Ж.Қайсабеков.
ll орын алған “№5 жалпы орта білім беретін мектебі” КММ
Жетекшісі:В.Агаев
lll орын алған “С.Ғаббасов атындағы жалпы білім беретін орта мектеп” КММ
Жетекшісі:Д.Закиров
“Үздік ойыншы” - Нұрбол Еркебұлан “Қалалық көпбейінді қазақ мектеп-гимназиясы” оқушысы .
“Үздік қорғаушы” - Берікқанов Бекарыс “Қалалық көпбейінді қазақ мектеп-гимназиясы” оқушысы.
“Үздік шабуылшы” - Қабидолла Ералы “№5 жалпы орта білім беретін мектеп” КММ оқушысы.
“Үздік ортаңғы ойыншы” - Тлегенов Бектас “С.Ғаббасов атындағы жалпы білім беретін орта мектеп” КММ оқушысы.
Құттықтаймыз.
Ұлттық Мектеп Лигасы аясындағы 5-6 сынып Қыздары арасындағы аудандық баскетбол жарысы өтті.
Нәтижесі:
l орын алған “№5 жалпы орта білім беретін мектебі”КММ
ll орын алған «№ 3 жалпы орта білім беретін аралас мектебі» КММ
lll орын алған “Ж.Жабаев мектебі” КММ
“Үздік ойыншы” – Тұрсын Маликак “№ 5 жалпы орта білім беретін мектебі”КММ оқушысы .
“Үздік қорғаушы” – Қанатқызы Іңкәр № 3 жалпы орта білім беретін аралас мектебі”КММ оқушысы.
“Үздік шабуылшы” – Барлықбаева Алуа“Ж.Жабаев” КММ оқушысы.
“Үздік ортаңғы ойыншы” – Қанатбек Аяла“№ 5 жалпы орта білім беретін метебі” КММ оқушысы.
Құттықтаймыз.
Абай облысы білім басқармасының басшысы Бауыржан Ердембеков жұмыс сапары барысында Аягөз ауданындағы «Тарбағатай жалпы орта мектебінің» білім беру үдерісімен танысты.
1981 жылы ашылған бұл білім ордасының жобалық қуаттылығы 598 орын. Қазір мектепте 228 оқушы екі ауысымда білім алып жүр. Соңғы жылдары оқушы санының азайғаны байқалады.
Сапар барысында басқарма басшысы оқу кабинеттерін аралап, мектептің материалдық-техникалық базасының жәй-күйіне қарады. Әсіресе, кабинеттердің жабдықталуы мен цифрлық құралдардың тиімді пайдаланылуы сияқты маңызды бағыттарға ерекше мән берді.
Мектеп оқушыларына оқу бағдарламасына сай сұрақтар қойып, ашық диалог орнатты. Білім сапасын арттыруға бағытталған жұмыстар жөнінде баяндады.
Білім басқармасының басшысы оқушылардың білім сапасын бағалап, оларға әрдайым қолдау бар екенін атап өтті. Сондай-ақ жастардың шет тілдерді меңгеріп, инновациялық бастамаларға араласуы болашақтарына жасалған инвестиция екенін жеткізді.
Абай облысы білім басқармасының басшысы Бауыржан Ердембеков жұмыс сапарымен Аягөз ауданына барып, бірқатар білім беру мекемелерінің жай-күйімен танысты. Сапар барысында бірнеше нысанды аралап, олардың материалдық-техникалық базасын бағамдады.
Алдымен басшы «№1 Аягөз қалалық бөбекжай-балабақшасына» барып, мекеменің жағдайын көрді. Жертөледе орналасқан су құбырларының едәуір тозғанына назар аударып, бұл мәселені шұғыл шешуді қажет ететінін атап өтті. 1979 жылы салынған, 280 орындық ғимараттың ескі екеніне тоқталған Бауыржан Амангелдіұлы нысанның қазіргі жағдайына жан-жақты талдау жасай келе, жөндеу жұмыстары қажет екенін айтты.
Сапар «№1 жалпы орта білім беретін мектепте» жалғасты. Басқарма басшысы оқу кабинеттерін, асхананы және спорт залын аралап көрді. 418 орынға арналған білім ошағында бүгінде 1104 оқушы білім алып жатыр. 2023 жылы мектепте 151 млн теңгеге күрделі жөндеу жүргізіліп, жылу жүйесі мен электр желілері толықтай жаңартылған.
Бұдан кейін Бауыржан Амангелдіұлы «Мектеп жанындағы интернаты бар №6 жалпы орта білім беретін мектепке» барды. 1963 жылы ашылған нысанның жобалық қуаттылығы – 220 орын, қазіргі таңда мұнда 634 оқушы екі ауысымда оқиды. Басқарма басшысы ғимараттың ішкі және сыртқы инфрақұрылымын, жылу жүйесін, қауіпсіздік талаптарының орындалу деңгейін тексерді. Сонымен бірге мектептің «Абайтану» кабинетімен танысып, өзінің еңбегін оқу орнына сыйға тартты. Биыл демеушілердің қолдауымен 1,5 млн теңгеге жабдықталған жаңа оқу кабинеті де көрсетілді.
Жұмыс сапарын қорытындылаған Бауыржан Амангелдіұлы білім беру мекемелерінің жұмысына оң бағасын беріп, оқу жағдайын жақсартуға бағытталған бірқатар ұсыныстарын жеткізді.
2025 жылдың 3 жетоқсан күні Абай облысы білім басқармасының Аягөз ауданы білім бөлімінің “№5 жалпы орта білім беретін мектебі” КММ-нің “Адал ұрпақ” ерікті клубы, “Адал Альянс” командасы Семей қаласында өткізілген облыстық байқауға қатысып, жүлделі II орынға ие болды!
Оқушыларымыз адалдық, парасаттылық және азаматтық жауапкершілік бағытында атқарған жұмыстарын жоғары деңгейде қорғап, әділқазылардың оң бағасын алды.
Бұл жеңіс — клуб мүшелерінің еңбегі мен белсенділігінің нәтижесі.
Жетістік құтты болсын!
2025 жылғы 27 қарашада «№ 9 Аягөз қалалық аралас бастауыш мектебі» КММ-де Абай облысының білім басқармасына қарасты Дарындылық пен қосымша білім беруді дамытудың облыстық ғылыми-әдістемелік «Дарын» орталығы мен «Тәуелсіз зерттеулер орталығы» Қоғамдық бірлестігінің ұйымдастыруымен «Адал ұрпақ» ерікті мектеп клубтарының аудандық байқауы өткізілді. Байқауға ауданымыздың 11 мектебі қатысты. Аудан көлеміндегі мектеп оқушылары байқауға белсене қатысып, «Адал азамат - адал ұрпақ» бейнероликтері арқылы клуб қызметінің тиімділігін көрсетті. Байқау қорытындысы бойынша І орын алған «№ 5 жалпы орта білім беретін мектебі» КММ-нің командасы облыстық кезеңге жолдама алып, басқа командалар мадақтамамен марапатталды. Іс-шара жоғары деңгейде ұйымдастырылып, оқушылардың азаматтық көзқарасын қалыптастыруға, патриоттық және адамгершілік тәрбиесін арттыруға ықпал етті.
Байқаудың мақсаты – оқушылардың бойында адалдық, әділдік, жауапкершілік, парасаттылық сияқты адамгершілік қасиеттерді қалыптастыру, сыбайлас жемқорлыққа қарсы мәдениетті дамыту және «Адал ұрпақ» ерікті клубтарының жұмысын қолдау.
2025 жылдың 2-3 желтоқсан күні "Ұлттық мектеп лигасы" «4 жалпы орта білім беретін араласмектебі»КМм базасында баскетболдан 5-6сыныптар ұлдар арасында аудандық іріктеу жарысы өтті.
11 команда қатысты.
Нәтижесі:
І орын
"Ж. Жабаев мектебі",
ІІ орын
"5—орта мектебі
ІІІ орын
"1—орта мектебі .
"Үздік ойыншы" —Рамазанов Азамат (5 мектебі ); "Үздік қорғаушы"—Оралғазы Айтуған(1 орта мектебі ); " Үздік ортанғы ойыншы"—Мубарак Мади(Ж.Жабаев мектебі); "Үздік шабуылшы" —Қабимоллин Ербол(Ж.Жабаев)
Жеңімпаздар мен жүлдегерлерді құттықтаймыз!!!