Ұлт жоспарының 68-қадамын іске асыруда елеулі прогреске қол жеткізілді

Ұлт жоспарының 68-қадамын іске асыруда елеулі прогреске қол жеткізілді

Ұлт жоспарының 68-қадамын іске асыру азаматтық авиация саласындағы сертификаттау және бақылау сапасын арттырды. Бүгінгі күні авиациялық реттеуші Қазақстанның азаматтық авиациясының пайдаланушылары мен ұйымдарының ұшу қауіпсіздігін қамтамасыз етуіне 927 инспекциялық және сертификаттық тексеру жүргізді. Бақылау-қадағалау қызметінің қорытындысы бойынша 8343 сәйкессіздік анықталды, пайдаланушының 4 сертификаты қайтарып алынды, 44 сертификаттың қолданылуы тоқтатылды және 70 инспекторлық нұсқама шығарылды.   

16 пайдаланушы сертификаты, 283 ұшуға жарамдылық сертификаты, арнайы ұшуды орындауға 108 рұқсат, азаматтық әуе кемелерін мемлекеттік тіркеу туралы 190 куәлік берілді. 20 авиациялық оқу орталығы сертификатталды, 26 әуеайлақ пен 6 тікұшақ айлағының жарамдылық сертификаттары берілді. Экипаж мүшелеріне 3379 куәлік және әуежайдың авиациялық қауіпсіздік қызметін тексеруді ұйымдастыру бойынша 11 сертификат берілді. Жалпы, авиация әкімшілігі 10 мыңнан астам мемлекеттік қызмет, оның ішінде авиация персоналына куәлік беру бойынша 5797 қызмет көрсетті.

Ұшу қауіпсіздігі бойынша деректермен алмасу және “әділ мәдениет” тетіктерін енгізуді жоспарлау сияқты бірқатар негізгі салаларда прогреске қол жеткізілді. Отандық тасымалдаушыларда жолаушыларға қызмет көрсету үшін Қазақстанда ұшақтарды тіркеуде одан әрі өзгерістерді қарастыратын жұмыс бағдарламасы аяқталуда.

Әлеуетті арттыру жалғасуда, оның бір бөлігі техникалық персоналды оқыту, сондай-ақ ірі және әртүрлі авиациялық саланы басқару үшін қажетті IT-инфрақұрылымын құруды қамтиды.  Осы кезеңде ҚАӘ инспекторлары 340 -тан астам тренингке қатысты.

Sunflower цифрлық авиация реттеушісі құрылды, оның негізінде алдыңғы қатарлы халықаралық тәжірибе, тәуекелдерді басқару және жедел деректер жатыр. "Цифрлық егіз" түрлі бизнес-міндеттер үшін енгізілген, бұл Қазақстанның авиациялық әкімшілігінің тәуекелдері мен өнімділігі бойынша толық дерекқорды өрістетуді қамтиды. Business Optix жүйесінде мемлекеттік қызметтерді беру бойынша онлайн келісу қолданылады, iPRDB тәуекелдер деректер базасы құрылды. Нұр-Сұлтан, Алматы және Ақтөбе қалаларының әуежайларында цифрлық құжаттар қызметі іске қосылды.

Бүгінде 2024 жылы қазіргі заманғы әуе кемелерін Қазақстан тізілімінде тіркеуге мүмкіндік беретін өзгерістер жалғасуда. "Астана" халықаралық қаржы орталығының платформасында жаңа авиациялық хаб құру жөніндегі жоспарлар іске асырылуда, бұл елдегі ұшу қауіпсіздігі қағидаларын трансформациялау жолындағы маңызды қадам.

Халықаралық келісімдер шеңберінде Қазақстанның авиациялық әкімшілігі Аруба Азаматтық авиация департаментімен, Бермуд азаматтық авиация агенттігімен  және Ирландия авиациялық басқармасымен (IAA) қазақстандық әуе компаниялар пайдаланатын әуе кемелерін мен ұшу қауіпсіздігін қадағалау жөніндегі тығыз жұмыс жасайды. Өткен аптада Ресейдің Федералды әуе көлігі агенттігімен ұшуға жарамдылық саласындағы ынтымақтастық туралы келісімге қол қойылды.

Жаңа келісімдер жасасумен ҚАӘ қызметкерлері ұшу қауіпсіздігі, әуе кемелерін халықаралық тіркеу, COVID бақылау шаралары, ұшу-қону жолақтарының қауіпсіздігі және авиациялық қауіпсіздік жөніндегі деректермен алмасу үшін халықаралық жұмыс топтарына тұрақты түрде қатысады, олардың нәтижелері заңнамалық өзгерістер мен пайдаланушыларды хабардар ету арқылы ұшу қауіпсіздігінің мемлекеттік бағдарламасына енгізіледі.

Осылайша, Қазақстанның авиациялық әкімшілігі ҚР Индустрия және инфрақұрылымдық даму министрлігімен бірлесіп "Көлік мәселелері жөніндегі кейбір заңнамалық актілерге өзгерістер мен толықтырулар енгізу туралы" Заң жобасын әзірлеп, Парламент Мәжілісінің қарауына енгізді. Заң жобасында азаматтық авиация саласындағы Халықаралық азаматтық авиация ұйымының (ИКАО) стандарттары мен ұсынылатын практикасын, сондай-ақ Еуропалық Одақтың және басқа да елдердің озық тәжірибесін ұлттық заңнамаға одан әрі енгізуге бағытталған бірқатар маңызды түзетулер ұсынылады.

ИКАО ұсынымдары негізінде пандемия кезінде азаматтық авиация саласын қолдау үшін сертификаттар мен куәліктердің қолданылу мерзімдерін ұзарту мәселесі бойынша Қазақстанның авиациялық әкімшілігінің 4 бұйрығы шығарылды. 1500-ден астам уақытша сертификаттар мен куәліктер берілді.

Қабылданған шаралар бақылау мен қадағалаудың тиімділігін арттыруға, Қазақстанның азаматтық авиациясының халықаралық аренадағы имиджін жақсартуға мүмкіндік берді. Қазақстан Еуропалық азаматтық авиация конференциясының (ECAC) бақылаушы мәртебесіне ие, сондай-ақ Азаматтық авиациядағы қоғамдық денсаулық сақтау саласындағы оқиғалардың алдын алу және басқару жөніндегі ынтымақтастық туралы келісімге (CAPSCA) және халықаралық авиация үшін көміртегі шығарындыларын өтеу және азайту жүйесіне (CORSIA) қосылды.

Еуропалық комиссияның Ұшу қауіпсіздігі жөніндегі комитеті Қазақстанның авиациялық билік орындарының ұшу қауіпсіздігі саласында анықталған кемшіліктерді жоюда қол жеткізген прогресін атап өтеді. Авиациялық әкімшілік ұшу қауіпсіздігін бақылауды тұрақты жақсарту үшін халықаралық стандарттарды енгізуге және олардың сақталуын қамтамасыз етуге бейілділігін көрсетеді.

Жалпы, 2023 жылға жоспарланған USOAP ИКАО аудиті шеңберінде бағаланатын Ұлт жоспарының 68-қадамын іске асыруда айтарлықтай прогреске қол жеткізілді. Халықаралық инспекторлар трансформацияны талдайды және ұшу қауіпсіздігі саласындағы ИКАО-ның жаһандық бастамаларын іске асырудағы қазақстандық авиацияның прогресін бағалайды. Осы аудиттің шеңберінде ағымдағы жылдың 2-11 тамызы аралығында Қазақстанның авиациялық әкімшілігінде қол жеткізілген прогресті бағалау үшін ИКАО-ның валидациялық миссиясы (ICVM) өткізілетін болады.

AAK бас директоры Питер Гриффитс: "Авиация әкімшілігі азаматтық авиацияны басқарудың озық моделін енгізуді жалғастырады және ұшу қауіпсіздігіне тиісті бақылау мен қадағалауды жүзеге асырады, сондай-ақ авиация индустриясын дамыту бойынша тиісті шаралар қабылдайды. Қазақстан арқылы әуе транзиті сыртқы операторлар үшін тартымды. Біз авиациялық сектордағы қауіпсіздік пен озық практика саласында Орталық Азияның жетекші бренді ретінде танылуды мақсат етіп отырмыз".