Қазақстан Республикасы Индустрия және инфрақұрылымдық даму Министрлігінде Салалалық мәселелер жөніндегі кеңес отырысы өткізілді
Қазақстан Республикасы Индустрия және инфрақұрылымдық даму министрі Бейбіт Атамқұловтың төрағалығымен Салалалық мәселелер жөніндегі кеңестің кезекті отырысы өтті.
Жиын барасында тұрғын үй-коммуналдық шаруашылық, индустриялық даму және азаматтық авиация салаларының мәселері талқыланды.
Атап айтқанда, тұрғын үй-коммуналдық шаруашылық саласында Жылумен, сумен жабдықтау және су бұру жүйелерін салуды, реконструкциялауды және жаңғыртуды кредиттеу қағидаларын енгізілетін өзгерістер мақұлданды.
Жылумен, сумен жабдықтау және су бұру жүйелерін салуды, реконструкциялауды және жаңғыртуды кредиттеу қағидаларына сәйкес 2015 жылдан бастап жылумен, сумен жабдықтау және су бұру жүйелерін жаңғырту 20 жылға 0,01% жеңілдікпен, 6 жылдық жеңілдікті кезеңмен кредит беру арқылы жүзеге асырылады.
«Нұрлы жер» мемлекеттік бағдарламасында жаңа технологияларды енгізу, аспаптармен жабдықтау және цифрландыру көзделгендіктен, Қағидаларға, аспаптармен жабдықтау туралы мәліметтерді міндетті түрде көрсету және ескі желілерді реконструкциялау басымдығы бөлігінде түпкілікті қарыз алушыға кредит беру шарттары, несие шартының талаптарына әлеуметтік-экономикалық көрсеткіштерді ұсыну бөлігі көзделеді.
Осымен қатар, инженерлік жүйелердің қызмет ету мерзімін ұзарту, Инвестициялар негіздемесіне сәйкес жобаны әзірлеу үшін жаңа технологияларды қолдану бөлігі, инвестициялық жобаларды іске асыру мониторингін жүзеге асыру кезінде сенім білдірілген өкілдің (агенттің) рөлін күшейту бөлігі көрсетілгеді.
Сондай-ақ, Отандық өңделген тауарларды, жұмыстарды, көрсетілетін қызметтерді ішкі нарықта ілгерілету бойынша индустриялық-инновациялық қызмет субъектілері шығындарының бір бөлігін өтеу қағидалары бойынша өзгерістер мақұлданды.
Азаматтық авиация саласында Кеңеспен, Авиациялық қауіпсіздік бойынша даярлау және қайта даярлау бағдарламасы, Авиациялық қауіпсіздікті инспекциялық тексерудің үлгі бағдарламасы және Қазақстан Республикасы Азаматтық авиация ұйымдарының авиациялық қауіпсіздік қызметтерінің басшылары мен мамандары лауазымдарының тізбесін, сондай-ақ осындай лауазымдарға қойылатын біліктілік талаптары қаралды.