Биыл Атырауда 12 мың орындық стадионның жобасы басталады

Атырау қаласында халықаралық талаптарға сай 12 мың жанкүйерге арналған жаңа стадион жобасы биыл басталады, деп хабарлайды Өңірлік коммуникациялар қызметі.

Жобаның тапсырыс берушісі - Атырау облысы Құрылыс, сәулет және қала құрылысы басқармасы. Стадион Атырау қаласындағы «Аламан базары» маңынан салынбақ.

Қазіргі таңда аталған құрылыс нысаны бойынша жобалау-сметалық құжаттама жасауға тендерлік рәсімдер жүргізілуде. Нысанның жер учаскесі - 7,7 гектар. Ғимараттың жалпы ауданы - 35 000 шаршы метр.