В Атырауской области 97 школ пройдут капитальный ремонт

Мемлекет басшысының тапсырмасына сәйкес Атырау облысында мектеп инфрақұрылымын жаңғырту жұмыстары жүргізілуде. 2025–2027 жылдары өңірде 97 мектепті реновациядан өткізу жоспарланған. Былтыр тоғыз, ал қалғаны 2027 жылға дейін кезең-кезеңімен іске асады.
⠀
Бұл туралы облыстық Білім беру басқармасы басшысының орынбасары Жақсылық Жанұзақов айтты, - деп хабарлайды Өңірлік коммуникациялар қызметі.
⠀
Осы жылы реновациядан өтетін мектептер бойынша жұмыстар жүргізілуде. 13 мектептің жобалық-сметалық құжаттамасы дайын, 6 мектептің құжаттары мемлекеттік сараптамада, ал қалған мектептер бойынша ЖСҚ әзірлеу үшін қаржы қарастырылуда.
⠀
⁃ Президент тапсырмасына сәйкес 50% елді-мекендердегі мектеп болуы тиіс. Сондықтан реноаювациядан өтетін мектептердің басым бөлігі аудандарда. Бағдарлама аясында мектептерге күрделі жөндеу жүргізіліп, пәндік кабинеттер, жиһаздар, спорт залдары, кітапханалар мен асханалар жаңартылып, аумақтары абаттандырылады, - деді Ж. Жанұзақов.
⠀
Былтыр жоспарланған мектептердің алтауында күрделі жөндеу аяқталды. Ал Атыраудағы, Мақат және Құрманғазы ауданындағы мектепте жөндеу жұмыстары жалғасуда, биыл аяқталады.