ДҮНИЕЖҮЗІЛІК САЙЛАУ КҮНІ КЕҢ КӨЛЕМДЕ АТАЛЫП ӨТІЛУДЕ

2005 жылы Будапешт қаласында (Венгрия) өткен сайлауды ұйымдастырушылардың жалпы конференциясында жыл сайын ақпан айының бірінші бейсенбісі сайлау органдарының кәсіби мерекесі ретінде Дүниежүзілік сайлау күні болып белгіленген. Биыл мереке 5 ақпанда аталып өтіледі.

Мерекелеудің негізгі идеологемасы - «Электоралдық принциптер – сайлаушы сенімінің негізі». Бұл сайлау ұғымын құқықтық, институционалдық және азаматтық бағдарлардың қалыптасқан жүйесінің нәтижесі ретінде бейнелейді.

Облыс көлеміндегі өткізілетін іс-шаралардың концепциясына Қазақстан Республикасы Орталық сайлау комиссиясының даму стратегиясымен көзделген Заң үстемдігі, Тәуелсіздік, Ашықтық, Инклюзивтілік, Кәсібилік пен Алқалық принциптері негізге алынды.

Әрбір көрсетілген принцип аясында өткізілетін барлық іс-шаралар оның мазмұнын, практикалық мәнін және сайлау процесіндегі институционалдық рөлін ашуға бағытталады.