2025 жылғы 29 тамызда Х.Досмұхамедов атындағы Атырау университетінің ұйымдастыруымен Қазақстан Республикасы Конституциясының 30 жылдығына арналған «Конституцияның тарихи негіздері» атты конференция өткізілді.

Ата Заңның тарихы мен негізгі аспектілері туралы университет ғалымдары мен облыстың құқық қорғау органдарының өкілдері баяндама жасады. Одан әрі Конституцияның соңғы өзгерістері мен азаматтардың конституциялық сайлау заңдылықтарына Атырау облыстық аумақтық сайлау комиссиясының төрағасы Ә.Қыстаубаева қысқаша тоқталып, Аты Заңымыздың 30 жылдығы қарсаңында яғни атаулы датада дүниеге келген жастарды кәмелеттік жасқа толуымен құттықтады. 18 жасқа толып сайлау құқығына ие болған жас сайлаушыларды ел болашағы үшін өз таңдауларын жасап алдағы уақытта өткізілетін сайлауларда белсенділік танытуға шақырып, Қазақстан Республикасының Конституция кітабын табыстады.