Аппараттық мәжілісте қаланың санитарлық тазалығы мен тұрғындар өтініштері қаралды

Бүгін өткен аппараттық мәжілісте қаланың санитарлық тазалығы басты назарға алынды. Жиында 11 сектор бойынша атқарылып жатқан жұмыстардың барысы жан-жақты талқыланып, олардың тиімділігі сараланды.

Сондай-ақ, тұрғындардың Telegram чат арқылы жолдаған сауалдарына дер кезінде әрі сапалы жауап беру мәселесі көтерілді. Әрбір өтініштің назардан тыс қалмауы керектігі қатаң ескертілді.

Бұдан бөлек, 109 колл-орталығы арқылы келіп түскен өтініштерге талдау жүргізіліп, олардың орындалу деңгейі қаралды. Мерзімінде шешімін таппаған мәселелер бойынша жауапты бөлім басшыларына нақты тапсырмалар жүктелді.

Сонымен қатар, апатты деп танылған тұрғын үйлердің жай-күйі зерделеніп, тиісті шаралар қабылдау жөнінде міндеттер қойылды.

Барлық тапсырмалардың сапалы әрі уақытылы орындалуы қатаң бақылауда болады.