1) Берлин қаласында әлемдегі ең ірі халықаралық туристік көрмелердің бірі — «ITB Berlin 2026» өтті. Биылғы көрме Германияның Берлин қаласында наурыздың 3-6 аралығында ұйымдастырылып, ITB Berlin-нің 60 жылдық мерейтойына орай туризм саласындағы жетекші сарапшыларды, туроператорларды, инвесторлар мен мемлекеттік құрылым өкілдерін бір алаңға жинады

Алғаш рет аталған көрмеге Атырау облысы Дене шынықтыру, спорт және туризм басқармасының,  «Visit Atyrau» туристік ақпараттық орталығының және «Shagala Travel» туроператорының өкілдері қатысып, облыстың туристік әлеуеті халықаралық нарықта таныстырылып, іскерлік кездесулер өткізіліп, жаңа серіктестік байланыстар орнатылды.

Осындай ауқымды шаралар Қазақстан туризмін әлемдік деңгейде ілгерілетуге, жаңа туристік бағыттарды дамытуға және еліміздің тартымды туристік имиджін қалыптастыруға зор ықпал етеді. ITB Berlin 2026 — жаңа мүмкіндіктер мен халықаралық ынтымақтастық алаңы.