Атырауда 2 500-ден астам адам әскери шеруді тікелей эфирде тамашалады

Бүгін Астанадағы «Қазақ елі» алаңында Ұлы Жеңістің 80 жылдығына арналған Әскери шеру өтті. Шеру қаладағы М.Өтемісұлы атындағы академиялық қазақ драма театрында, «Бейбарыс сұлтан» алаңында және аудандар орталығында LED-экраннан көрсетілді,

Облыс әкімі Серік Шәпкенов, қала,аудан әкімдері, ардагерлер, мемлекеттік органдар басшылары, құқық қорғау органдары өкілдері, құрмет қарауыл ротасы, Атырау гарнизонының әскери қызметшілері, тәжік-ауған соғысының және таулы Қарабақ қақтығысының ардагерлері, облыстық мәслихат депутаттары, саяси партиялар, азаматтық қоғам өкілдері мен жастар, жалпы саны 2 500-ден астам адам LED-экран арқылы трансляцияны қарады.

Айта кетейік, 7 мамыр - Отан қорғаушы күніне орай салтанатты шара өткен болатын. Шара ҚР Президенттік оркестр жанындағы «Abyroy» тобының, 5546 әскери бөлімі оркестрінің және жергілікті әртістердің концертімен басталды.