Атырауда нашақорлық пен ойынқұмарлықтың алдын алуға арналған кездесу өтті

«Тәуелсіз өмір» жастар қозғалысының ұйымдастыруымен «Мектеп оқушыларының ағзасына есірткінің және ойынқұмарлықтың кері әсері» тақырыбында кездесу өтті. Іс-шараға ата-аналар комитеті мен тәрбие ісі жөніндегі орынбасарлар, жетекші мамандар қатысты.

Қатысушылар арнайы мамандармен ашық сұхбат құрып, маңызды ұсыныстарын жеткізді. Жоба аясында түсіндіру жұмыстарын кеңейту және ата-аналарға арналған тренингтерді жиі өткізу қажеттілігі айтылды.

Сондай-ақ жиында есірткі мен психоактивті заттардың жасөспірім ағзасына әсері, лудомания мәселесінің алдын алу жолдары және ата-ана мен мектептің бірлескен іс-қимылы туралы мәселелер талқыланды.

Еске салайық, наурыз айынан бастап Атырау облысы Ішкі саясат басқармасының қолдауымен «Ақсұңқар» қоғамдық қоры «Тәуелсіз өмір» жобасын іске асыруда.