Атырауда жас отбасыларға арналған «Отбасы берекесі» атты тағылымды кездесу өтеді

Құрметті Атырау қаласының тұрғындары мен жас отбасылар!

«Отбасы институтын дамыту» жобасы аясында Қоғам қайраткері, «Құрмет» және «Парасат» ордендерінің иегері Оразкүл Асанғазымен «Отбасы берекесі» тақырыбында тағылымды кездесу өтеді.

Бұл кездесу – шаңырақ көтеріп, жаңа өмірге қадам басқан жас отбасыларға арналған рухани сұхбат алаңы.

Іс-шара отбасы мәдениетін қалыптастырып, берекелі өмірдің құндылығын насихаттау мақсатында ұйымдастырылуда. Өйткені, отбасы – қоғамның алтын діңгегі, адам өмірінің мәні мен берекесі.

Әрбір жас отбасының бойында өзара сыйластық пен ынтымақ сезімін қалыптастыру – ортақ міндетіміз. Осы мақсатта ерлі-зайыптыларды кездесуге бірге қатысуға шақырамыз!

Кездесуге қатысу үшін алдын ала тіркелу міндетті: 8 (778) 118-19-83

Өтетін күні: 29 қазан, сағат: 19:30
Өтетін орны: Абай орталығы

Еске салайық, «Отбасы институтын дамыту» жобасы Атырау облысы Ішкі саясат басқармасының қолдауымен, «Жаныңдамын» қоғамдық қорының ұйымдастыруымен іске асырылуда.