Атырауда “Atyrau Jastar Fest-2025” онкүндігі басталды

Атырау облысы Ішкі саясат басқармасының қолдауымен Халықаралық жастар күніне арналған “Atyrau Jastar Fest-2025” фестивалінің ашылу салтанаты өтті.

Бұл мереке – өнер мен спортты, білім мен шығармашылықты, жігер мен арманды бір алаңға тоғыстырған, өңір жастарына арналған ерекше жоба. Ашылу салтанатында жергілікті өнерпаз жастар концерттік және шығармашылық бағдарламаларын ұсынды.

Еске салайық, фестиваль аясында 10-24 тамыз аралығында түрлі форматтағы іс-шаралар ұйымдастырылады. Атап айтсақ, поэзия және кітап кештері, "Atyrau Quiz", "Atyrau Puzzle Day" интелектуалды ойындары, "Ulttyq Cover" және "Atyrau Youth Dance" өнер байқаулары, "Atyrau Youth Hackathon" инновациялық сайысы, "AJF eSports Cup 2025" киберспорт турнирі, "Tungi Run" марафоны және мүмкіндігі шектеулі жастарға арналған шеберлік сабақтары өтеді.

16 тамыз күні өтетін "Atyrau Jastar Fest – 2025" гала-концертінде "Atyrau Books" кітап және қолөнершілер жәрмеңкесі өтіп, "Тәуелсіз ұрпақтары" грантының иегерлері марапатталады.

“Atyrau Jastar Fest-2025” – жаңа достар, жаңа әсерлер мен шабыт сыйлайтын жастар апталығы.