ҮЕҰ-ға арналған «QOLDAY» облыстық байқауына өтінім қабылдау жүргізілуде

Өңірдің әлеуметтік саясатын жүзеге асырудағы үкіметтік емес ұйымдардың белсенділігін арттыру және жобаларына қолдау көрсетуге бағытталған «Qolday» облыстық байқауына өтінім қабылдануда. Жобаны Атырау облысы Ішкі саясат басқармасының «Азаматтық орталық» КММ-сі ұйымдастыруда.

Өтінімдер 2025 жылдың 9 шілдесінен бастап, 8 тамызына дейін qolday2025@gmail.com электрондық поштасы арқылы қабылданады.

Конкурсқа Атырау облысында тіркелген үкіметтік емес ұйым қатыса алады. Өтінімдер Конкурс ережесіндегі №1, №2 және №3 қосымшаларға сәйкес рәсімделіп, жоба туралы көлемі бес беттен аспайтын презентациямен бірге қабылданады.

Байқаудың толық ережесімен www.atyraunpo.kz сайтында танысуға болады.

Түсетін өтінімдер арнайы құрылған комиссиямен қаралады. Нәтижесінде, жеңімпаз атанған 6 үкіметтік емес ұйымның әрқайсысына 2 000 000 теңге көлемінде қаржылай қолдау көрсетіледі.

Қосымша ақпарат үшін байланыс нөмерлері: 8 702 595 60 48; 8 778 253 37 93