«Тәуелсіздік ұрпақтары-2025» грантына конкурстық өтінімдерді қабылдау басталды

Облыстық Ішкі саясат басқармасы, Атырау қаласының Жастар ресурстық орталығының ұйымдастыруымен «Тәуелсіздік ұрпақтары» гранттар байқауына өтінім қабылдау басталғанын хабарлаймыз!

Мақсаты - белсенді шығармашыл жастар қауымдастығын қалыптастыруға бағытталған жаңа идеялар мен бастамаларды мемлекеттік қолдау.

2025 жылы облыстық деңгейде 1 млн. теңгеден 18 грант берілетін болады. Грантқа 14 пен 35 жас аралығындағы Атырау облысының тұрғыны үміткер бола алады.

Грант төмендегі 6 бағыт бойынша беріледі:

• «Ғылым» – жаңа ғылыми жобаларды және зерттеулерді іске асыруға арналған;
• «Мәдениет» – Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобаларды іске асыруға арналған;
• «Ақпараттық технологиялар» – жаңа IT шешімдер мен жобаларды, оның ішінде жаңадан басталған стартап жобаларды іске асыруға және әзірлеуге арналған;
• «Бизнес» – жаңа бизнес-идеяларды іске асыруға арналған;
• «Медиа» – жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған;
• «Волонтерлік» – өзекті, әлеуметтік проблемаларды шешуге бағытталған волонтерлік жобаларды іске асыруға арналған.

Конкурстық өтінімдерді қабылдау 2025 жылғы 16 маусымнан бастап 6 шілде аралығында төмендегі сілтеме арқылы қабылданады: https://forms.gle/3nXDoXf9Ea6pFQTZ9

Ескерту: Биыл өтетін байқауға 2022, 2023, 2024 жылдары өткен Атырау облысы жастарына арналған «Тәуелсіздік ұрпақтары» гранттар байқауының жеңімпаздары қатыса алмайды!

Қосымша сұрақтар бойынша: 8(702) 188-28-17