Мемлекеттік рәміздер — ұлт мақтанышы: жастар форумына 200-ге жуық адам қатысты

Құлсары қаласында мемлекеттік Әнұран сөзінің авторы Жұмекен Нәжмеденовтің туғанына 90 жыл толуына орай «Мемлекеттік Рәміздер — ұлт мақтанышы» атты облыстық форум өтті.

Жиында ҚР Мәдениет және ақпарат министрлігінің басқарма басшысы Гүлдана Аргенова мемлекеттік рәміздердің маңыздылығы мен мәніне, оны құрметтеу және дәріптеуге терең тоқталды.

Сондай-ақ аудан азаматтары мен жастары Жылыой ауданының әкімі Жұмабек Қаражановтың алғыс хатымен марапатталды.

Қатысушылар форумды Ақкегершін үстіртінде тимбилдингпен аяқтады.