Атырау облысы Мақат аудандық мәслихатының шығып қалған
депутатының орнына кандидаттарды ұсыну қорытындылары мен тіркеу барысы туралы
2025 жылғы 25 қыркүйекте Атырау облысы Мақат ауданында №9 бірмандаттық аумақтық сайлау округі бойынша мәслихаттың шығып қалған депутатының орнына сайлауда кандидаттарды ұсыну аяқталды.
Сайлау науқанының барысында барлығы өзін-өзі ұсыну тәртібімен 3 кандидат ұсынылды. Барлығы ер адамдар.
Кандидаттар өтініштерінде саяси партияға қатыстылығы туралы ақпарат көрсетпеген.
Орташа жас - 40 жасты құрайды.
Кандидаттардың барлығы жоғары білімді.
Кандидаттардың 2-уі бюджеттік мекемелерде, 1-уі коммерциялық құрылымдарда жұмыс жасайды.
2025 жылғы 25 қыркүйектегі жағдай бойынша округтік сайлау комиссиясымен тіркелген кандидат жоқ.
Тіркеудің аяқталу мерзімі - а.ж. 30 қыркүйек сағат 18:00-де.
Тіркеу аяқталған сәттен бастап кандидаттар сайлау алдындағы үгітке кіріседі, ол 25 қазан күнгі сағат 00:00-ге дейін жалғасады.