Ел амандығы үшін құрбандық шалынды

Еліміздің әр аймағында су тасқынынан зардап шеккендерге Құран оқылып, аудан әкімінің атынан құрбан шалынды. Сауабын әруақтарға бағыштап, Алла Тағаладан адамзатқа игілік тілеп, ниет етілді.

— Елде төтенше жағдай. Осындайда бірлігімізді көрсетуіміз керек. Ел амандығы, жұрттың тыныштығы үшін құрбандық шалдық. Тілсіз жау өңірімізге жоламасын, шығынға ұшырамай аман-сау өтейік деген ниетпен Алла Тағаладан дұға-тілек тіледік. Лайым, Қазақ елі аман болып, бірлігіміз бекем, тірлігіміз көркем болғай!- деді аудан әкімі Қайрат Нұрлыбаев.

Қазіргі уақытта ауданда сақтық шаралары қамтылып, өр суынан қорғану бойынша қорғаныс дамбылары бекітілуде.