Құрманғазы аудандық аумақтық сайлау комиссиясының «Дүниежүзілік сайлау күніне» арналған іс-шаралар жоспарына сәйкес №175 учаскелік сайлау комиссиясының төрағасы Фарида Бралиева М.Ауэзов атындағы орта мектебінің 11-сынып оқушыларымен танымдық кездесу өткізді.

Кездесу барысында оқушыларға мерекенің тарихы, сайлау заңнамасының негізгі қағидалары түсіндіріліп, тақырып бойынша викториналық сұрақтар қойылды.

Аталған іс-шара жас ұрпақтың құқықтық сауаттылығын арттыруға, азаматтық белсенділігін қалыптастыруға және сайлау процесінің маңызын түсіндіруге бағытталды.

Құрманғазы аудандық аумақтық сайлау комиссиясы