Дүниежүзілік сайлау күніне орай Исатай аудандық аумақтық сайлау комиссиясының төрағасы Қабыл Рамазанұлы Жұмабай Мырзағалиев атындағы орта мектептің болашақ сайлаушыларымен дөңгелек үстел форматында кездесу өткізді.

Кездесу барысында сайлаудың маңыздылығы, азаматтық жауапкершілік және әрбір жастың ел болашағын қалыптастырудағы рөлі туралы мазмұнды әңгіме өрбіді. Ашық пікір алмасу алаңында оқушылар өз сұрақтарын қойып, пайдалы ақпарат алды.

Мұндай кездесулер жастардың құқықтық сауаттылығын арттырып, белсенді азаматтық ұстаным қалыптастыруға бағытталған маңызды қадам.