Индер ауданында «Тегін Заң көмегі» акциясы өтті

        Бүгін Атырау облысы Әділет департаментінің ұйымдастыруымен Қазақстан Республикасы Үкіметінің «Қоғамда заң мен тәртіп» идеологиясын ілгерілету жөніндегі 2025–2030 жылдарға арналған Тұжырымдаманы іске асыру аясында Индер ауданы тұрғындарына арналған «Тегін Заң көмегі» акциясы өткізілді.

         Іс-шараның негізгі мақсаты – халықтың құқықтық сауаттылығын арттыру және қолданыстағы заңнама талаптарын кеңінен түсіндіру.

         Акцияға Мемлекеттік еңбек инспекциясы комитетінің Атырау облысы бойынша департаментінің Еңбек қатынастарын бақылау бөлімінің бас маманы Б.Ж. Карабалиева және Еңбек қауіпсіздігі және еңбекті қорғауды бақылау бөлімінің бас маманы С. Төлегенов қатысты. Олар тұрғындардың еңбек қатынастарына қатысты сұрақтарына жауап беріп, тиісті құқықтық түсіндіру жұмыстарын жүргізді.

         Сонымен қатар, акцияға  прокуратура, полиция департаменті, кірістер басқармасы, білім беру басқармасы, денсаулық сақтау басқармасы, тұрғын үй және жер қатынастары бөлімдері, жұмыспен қамту бөлімдері, сондай-ақ адвокаттар, нотариустар және жеке сот орындаушылары қатысты. Олар тұрғындарға жан-жақты құқықтық кеңестер берді.

         Кездесу барысында азаматтар өздерін толғандырған мәселелер бойынша нақты әрі түсінікті жауаптар алып, заң аясында әрекет етудің тиімді жолдарымен танысты.

         Мұндай іс-шаралар халық пен мемлекеттік органдар арасындағы өзара байланысты нығайтып, азаматтардың құқықтық мәдениетін арттыруға оң ықпал етеді.