Еңбек инспекциясы «Tecnicas Reunidas» және «Sinopec Engineering» компанияларымен кездесу өткізді

       Мемлекеттік еңбек инспекциясы комитеті Атырау облысы бойынша департаментінің қызметкерлері «Tecnicas Reunidas (Испания)» және «Sinopec Engineering Incorporation» компанияларының өкілдерімен кездесу өткізді. Аталған компаниялар Атырау облысында жүзеге асырылып жатқан «Бірінші интеграцияланған газ-химия кешенінің құрылысы» жобасына тартылған.

         Жоба «Қарабатан» өнеркәсіптік аймағында, Атырау облысындағы «Ұлттық индустриялық мұнай-химия технопаркі» арнайы экономикалық аймағы аумағында жүзеге асырылуда. Жобаның операторы – «Силлено» ЖШС.

         Кездесу барысында мемлекеттік еңбек инспекторлары Қазақстан Республикасының еңбек заңнамасының талаптары түсіндірілді. Атап айтқанда, «Еңбек» электрондық еңбек биржасына (Enbek.kz) деректерді уақтылы енгізу, ұжымдық шарттарды әзірлеу, сондай-ақ қосалқы мердігер ұйымдар деңгейінде еңбек заңнамасының сақталуына вертикалды бақылауды жүзеге асыру мәселелері қаралды.