Мемлекеттік қызметшілердің деструктивті діни ағымдардың қызметіне араласуын болдырмауға бағытталған профилактикалық кездесу өткізілді

2025 жылғы 11 қарашада Мемлекеттік еңбек инспекциясы комитетінің Атырау облысы бойынша департаментінде мемлекеттік қызметшілердің деструктивті діни ағымдардың қызметіне араласуын болдырмауға бағытталған профилактикалық кездесу өткізілді.

         Іс-шараның негізгі мақсаты – қызметкерлер арасында діни сауаттылықты арттыру, діни экстремизм мен радикалды көзқарастардың ықпалынан сақтандыру, сондай-ақ мемлекеттік қызметшілердің қоғамдағы тұрақтылық пен келісімді сақтау бағытындағы жауапкершілігін күшейту болып табылады.

         Кездесуге «Шапағат» қоғамдық қорының теолог маманы, Атырау облыстық ақпараттық-түсіндіру тобының мүшесі Думан Асқарбекұлы Күмісбек қатысып, қатысушыларға дәстүрлі емес діни ағымдардың белгілері мен олардың қоғамға, отбасына және жеке тұлғаға тигізетін теріс әсерлері туралы жан-жақты ақпарат берді.

         Сонымен қатар, теолог радикалды діни идеологияның таралуына қарсы іс-қимыл шаралары жөнінде түсіндіріп, қызметкерлерді діни мәселелер бойынша сенімді ақпарат көздеріне ғана жүгінуге шақырды.

         Кездесу барысында қатысушылар өздерін толғандырған сұрақтарын қойып, кеңестер алды.