Махамбет ауданында еңбек заңнамасы бойынша ақпараттық-түсіндіру семинары өтті

Қазақстан Республикасы еңбек және халықты әлеуметтік қорғау министрлігінің Мемлекеттік еңбек инспекциясы комитетінің Атырау облысы бойынша Департаментінің Мемлекеттік  еңбек инспекторы С.Үбіғалиева 2025 жылғы 7-тамызы күні Махамбет ауданы әкімдігінің ұйымдастыруымен ауданға қарасты 30 - жуық мекеме өкілдерінің қатысуымен өткізілген семинарға қатысып, Қазақстан Республикасы Еңбек кодексінің талаптары бойынша, оның ішінде  жұмыскер еңбек (қызметтік) міндеттерін атқарған кезде оны жазатайым оқиғалардан міндетті сақтандыру шартын жасау, оның маңыздылығы, жұмыскерлердің еңбек құқықтарының сақталуы туралы ақпараттық-түсіндіру жұмыстарын жүргізді.

Семинар барысында мекеме өкілдері мемлекеттік  еңбек инспекторына сұрақтар қою арқылы пікір алмасып, сауалдарына толық жауап алды.

Семинарды қорытындылаған Махамбет ауданы әкімінің орынбасары М.А.Ербөлек ақпараттық-түсіндіру жұмысы нәтижелі болғанын айта отырып, мекеме басшыларына осы жиыннан алған ақпараттарды жұмыс барысында толық қолдану және міндетті түрде еңбек заңнамасының талаптарын сақтай отырып, қызметкерлерді жазатайым оқиғалардан сақтандыру шартын жасау қажеттігін атап өтті.