Индер аудандық аумақтық сайлау комиссиясы сайланған әкімге куәлігін тапсырды

Индер аудандық аумақтық сайлау комиссиясы сайланған әкімге куәлігін тапсырды

 

2025 жылғы 15 шілдеде Жарсуат ауылдық округі әкімі аппаратының ғимаратында округ активінің жиналысы өтті.

Жиналыста Индер аудандық аумақтық сайлау комиссиясының төрағасы Б.Сапаров Жарсуат ауылдық округі әкімі болып сайланған Қапашев Дархан Қапсихұлына әкім куәлігін тапсырды. Тікелей сайлау нәтижесінде Жарсуат ауылдық округінің әкімі болып сайланған Қапашев Дархан Қапсихұлы 2025 жылдың 15 шілдесінен бастап өз міндетін ресми түрде атқаруға кірісті.

Дархан Қапсихұлы 1981 жылы 3 желтоқсанда Жарсуат ауылында дүниеге келген. 20 жылдан астам мемлекеттік қызметте еңбек еткен. Сайлауға дейін Жарсуат ауылдық округі әкімі аппаратында бас маман қызметін атқарды. Әкім сайлауына «AMANAT» партиясының Индер аудандық филиалымен ұсынылды.