Жалпы білім беретін пәндер бойынша республикалық олимпиаданың облыстық кезеңінің қорытындысы бойынша 43 оқушы – І-ші орын, 72 оқушы – ІІ-ші орын, 116 оқушы - ІІІ-ші орын иегері атанды.
Білім бәйгесінің жеңімпаздары мен жүлдегерлерін марапаттау салтанатында облыс әкімінің орынбасары Жасұлан Бисембиев, облыстық білім беру басқармасының басшысы Ерлан Сламбеков құттықтап, оқушыларға сәттілік тіледі. 13 жас түлек - Халел Досмұхамедов атындағы Атырау университетінің білім грантын, 6 оқушы Атырау мұнай және газ университетінің білім грантын иеленді.
Сондай-ақ олимпиаданың облыстық кезеңінде үздік нәтиже көрсеткен облыстық білім беру ұйымдары арасында «Ең үздік олимпиадалық команда-2024» атағымен Атырау қалалық білім бөлімі, №1 «Білім-Инновация» лицей-интернаты, облыстық дарынды балаларға арналған ұлттық гимназиясы марапатталды.
Ал аудандық білім беру ұйымдары арасында «Ең үздік олимпиадалық команда-2024» атағымен Жылыой, Құрманғазы аудандық білім бөлімдері марапатталды.
«Үздік олимпиадалық ауыл мектебі-2024» атағын Құрманғазы ауданы М.Ломоносов атындағы, Жылыой ауданы №18 М.Сатыбалдиев атындағы орта мектептер иеленді.«Үздік олимпиадалық қала мектебі-2024» атағымен Атырау қаласы №16 Ж.Қаражігітов атындағы мектеп-лицейі марапатталды.