Облыстың білім беру саласында 2021 жылы Қазақстан Республикасы Тәуелсіздігінің 30 жылдық мерейтойына арналған «OTANLife» жобасы іске асырылуда

 

2021 жылы Атырау облысының білім беру ұйымдарында іске асатын жоба - Қазақстан Республикасы Тәуелсіздігінің 30 жылдық мерейтойына арналған  «OTANLife» жобасы.

Мақсаты – өскелең ұрпақты патриоттық тәрбиелеу, олардың бойында ұлттық құндылықтарды, дәстүрлерді құрметтеу және сақтау сезімдерін қалыптастыру.  

Жобаға қатысушылар: барлық білім беру ұйымдарының мектеп оқушылары, колледж студенттері, педагогтар, ата-аналар.

Жобаның толыққанды іске асу үшін жауапты комиссия құрамы тағайындалуы шарт: жоба жетекшісі, ата-аналар қоғамдық кеңесі, Аналар мектебі, Әкелер қоғамдық кеңесі, ұлдар, қыздар ұйымы, «Адал ұрпақ»,  әскери-патриоттық, еріктілер клубтары, «Жас Ұлан» ББЖҰ, «Мектеп инспекторының жас көмекшілері» ұйымы, т.б. мүдделі ұйымдар мен тұлғалар. 

Іс-шаралар түрлері: онлайн-дәрістер, сынып сағаттары, дебаттар, кітаптар бейнеблогы, мұражайларға саяхат, жас ғалымдармен кездесу, сурет шеберханасы, жас айтыскер сайысы, ерекше білімге қажеттілігі бар балалар арналған іс-шаралар, әскери-патриоттық клубтар арасында сайыстар, оқушылар арасында эссе конкурсы, т.б.