Қазақстан ядролық қауіпсіздік жөніндегі өңірлік үстел жаттығуларына қатысты

2025 жылғы 10-12 желтоқсан аралығында Ташкент қаласында (Өзбекстан) Қазақстан Республикасы Атом энергиясы жөніндегі агенттігінің Атомдық қадағалау және бақылау комитетінің өкілдері «Орталық Азиядағы террористердің контрабанданы болдырмау және радиологиялық және ядролық материалдарды пайдалануы» атты өңірлік үстел жаттығуларына қатысты.

Аталған іс-шара Норвегияның ядролық және радиациялық қауіпсіздік агенттігінің (DSA) қаржылық қолдауымен Біріккен Ұлттар Ұйымының қылмыс және сот төрелігі жөніндегі аймақаралық ғылыми-зерттеу институты (UNICRI) мен БҰҰ-ның Терроризмге қарсы басқармасымен (UNCCT) ұйымдастырылды.

Жаттығуға Қазақстан, Қырғызстан және Өзбекстанның құқық қорғау және реттеуші органдарының өкілдері қатысып, өңірдегі ядролық және радиоактивті материалдардың заңсыз айналымына қарсы іс-қимыл бойынша бірлескен жаттығуды пысықтады.

Нәтижесінде халықаралық ұйым өкілдері елдердің қауіпсіздікті қамтамасыз ету жөніндегі бірлескен күш-жігеріне, мемлекеттік органдардың өзара іс-қимылына, сондай-ақ олардың АЭХА халықаралық ұсынымдарын сақтауына оң баға берді.